ცოტა ხნის წინ Critics Choice Award 2024-ის გამარჯვებულები დასახელდნენ. საუკეთესო სიმღერის კატეგორიაში ბარბიდან I’m Just Ken-მა გაიმარჯვა, რასაც აშკარაა, რომ თავად რაიან გოსლინგიც არ ელოდა. რაიან გოსლინგი ნომინაციაში გამარჯვებას გაკვირვებული, დაეჭვებული და ინტერნეტის მომხმარებელთა აზრით, დაშოკილიც კი შეხვდა. გამარჯვებული სიმღერის გამოცხადებაზე რაიანის რეაქცია კი უკვე მიმად იქცა.

რაიანის სიმღერა I'm Just Ken უკვე უამრავ დაჯილდოებაზე იყო ნომინირებული, თუმცა გამარჯვება ვერცერთ მათგანში ვერ შეძლო. Critics Choice Award-ში მიღებული ჯილდო I'm Just Ken-ისთვის პირველია, რასაც რაიან გოსლინგიც შესაფერისი რეაქციით შეხვდა.

ნომინაციაში გამარჯვების შემდეგ სცენაზე I’m Just Ken-ის ტექსტისა და სიმღერის ავტორები, მარკ რონსონი და ენდრიუ უაიტი, მიიწვიეს. "რაიან, ეს ისევეა შენი ჯილდო, როგორც ჩვენი. შენი შეუდარებელი შესრულების დამსახურებაა, რომ მაყურებელს სიმღერა ასე შეუყვარდა. ასე რომ, მადლობა", — სწორედ ასე მიმართა მარკ რონსონმა რაიან გოსლინს სცენიდან.

რაიან გოსლინგის გაკვირვებულ სახეზე ინტერნეტი ისევ ღლიცინებს, მათგან რამდენიმე საუკეთესო მიმს კი აქვე გთავაზობთ:

როცა მასწავლებელმა გაკვეთილზე გამოგიძახა, შენ კი ყურადღებით არ იყავი

რაიან გოსლინგი აანალიზებს, რომ შესაძლოა ოსკარის დაჯილდოებაზე I’m just Ken-ის შესრულება მოუწიოს

რაიანის რეაქციას, რა თქმა უნდა, შესაბამისი მიმიც მოუძებნეს