როგორც AMC-ის პროდიუსერები იუწყებიან, სერიალის, Walking Dead, გადაღებები ოთხშაბათს დატრიალებული ტრაგედიის შემდეგ დროებით შეწყდა.

საქმე იმაშია, რომ მოსიარულე მკვდრების გადაღების დროს სიმაღლიდან ჩამოვარდნის შედეგად დაშავებული კასკადიორი, 33 წლის ჯონ ბირნიკერი, საავადმყოფოში გარდაიცვალა.

როგორც პროდიუსერები ამბობენ, მსახიობი რეპეტიციას გადიოდა, რა დროსაც ის აივნიდან ჩამოვარდა და ბეტონზე დაეცა.

ჯონ ბირნიკერი, გარდა მოსიარულე მკვდრებისა, არაერთ სერიალსა თუ მხატვრულ ფილმში ასრულებდა საკუთარ მოვალეობას.

როგორც AMC ამბობს, მისი ოჯახის წევრებმა მიიღეს გადაწყვეტილება გარდაცვლილის ორგანოები დონაციისთვის გამოიყენონ და სხვა ადამიანების სიცოცხლე გადაარჩინონ.