მოკლედ: ისრაელის საელჩო ერეკლე დეისაძეს ანტისემიტიზმში ადანაშაულებს.

  • უწყებამ ვრცელი პოსტი გამოაქვეყნა და თან დაურთო სქრინები, სადაც დეისაძე წერს, რომ "ყველა სიონისტი უნდა განადგურდეს" და ასევე, ებრაელებს შეურაცხყმყოფელი ტერმინოლოგიით მოიხსენიებს.
ერეკლე დეისაძის პოსტი

ერეკლე დეისაძის პოსტი

ფოტო: ისრაელის საელჩო

დეტალები: "გრცხვენოდეთ, ერეკლე დეისაძევ, თქვენი ანტისემიტური, უმსგავსო სიტყვებისთვის, როდესაც ყველა "სიონისტის“ განადგურებისკენ მოუწოდებთ, რაც ძირითადად ისრაელის ყველა მოქალაქე და მსოფლიოში მცხოვრებ ებრაელთა უმრავლესობაა,"— წერია ისრაელის საელჩოს განცხადებაში.

  • უწყება წერს, რომ როდესაც პოლიტიკური კრიტიკა ცალმხრივია და შთაგონებულია „ჰამასის“ სასაუბრო თეზისებით, "ბევრი დრო არ სჭირდება რეალური ზრახვების გამოაშკარავებას".
  • "ეს ერეკლე დეისაძეა. ამაყი ანტისემიტი. არ აგერიოთ: თუ მისი სურვილი ისრაელსა და პალესტინას შორის მშვიდობის დამყარება იქნებოდა, მაშინ ის დაგმობდა „ჰამასს“, რომელიც ღიად ქადაგებს ისრაელელების მკვლელობას და ამავდროულად ჩაგრავს და შეურაცხყოფს პალესტინელებს.
  • მაგრამ როდესაც თქვენი რეალური სურვილი „ყველა სიონისტის განადგურებაა“, ისრაელის სახელმწიფოს ლიკვიდაცია და ებრაელების სიკვდილი, ასეთი ფაქტები თქვენთვის არაა რელევანტური.
  • ეს სამარცხვინო პიროვნება და მისი სიტყვები უნდა იყოს დაგმობილი", — წერია განცხადებაში.

ბოლო ხაზი: ერეკლე დეისაძე პალესტინას მხარს საჯაროდ უჭერს. გარდა სოციალური ქსელებისა, მან პალესტინის მხარდამჭერი განცხადება საახალწლო სოფელში გამართულ კონცერტზეც გააკეთა.