მოკლედ: შალვა პაპუაშვილმა გიორგი კეკელიძის ეროვნული ბიბლიოთეკის დირექტორობიდან გათავისუფლებას საკადრო გადაწყვეტილება უწოდა, რაც, მისი თქმით, მნიშვნელოვანია "ეროვნული ბიბლიოთეკის შემდგომი განვითარებისთვის".

დეტალები: პაპუაშვილმა აღნიშნა, რომ ეროვნული ბიბლიოთეკა პოლიტიკასთან არ არის კავშირში და არც უნდა იყოს.

  • "მცდელობები დააკავშირონ ეროვნული ბიბლიოთეკა პოლიტიკასთან, თავისთავად, აჩვენებს იმ ადამიანების არაკეთილსინდისიერებას, ვინც ამის დაკავშირებას ცდილობს.
  • ეროვნული ბიბლიოთეკა არის ჩვენი საერთო, ქართველი ხალხის მემკვიდრეობა და მომავალი ერთ ორგანიზაციაში და ერთ შენობაში", — თქვა პაპუაშვილმა.

მან გიორგი კეკელიძეს მადლობა გადაუხადა გაწეული შრომისთვის და ეროვნული ბიბლიოთეკის ახალ დირექტორს — კონსტანტინე გამსახურდიას წარმატებები უსურვა.

  • "კონსტანტინე გამსახურდია იქნება ახალი ხელმძღვანელი. მე მინდა ვუსურვო მას წარმატება, უახლოეს დღეებში მოხდება მისი ოფიციალური დამტკიცება. ვფიქრობ, რომ კონსტანტინე გამსახურდია მნიშვნელოვან როლს შეასრულებს საქართველოს ეროვნული ბიბლიოთეკის შემდგომ განვითარებაში, ყველა ორგანიზაციას სჭირდება ახალი ენერგია და სწორედ ამ ახალი ენერგიით გააგრძელებს ეროვნული ბიბლიოთეკა მუშაობას", — წერს პაპუაშვილი.

ბოლო ხაზი: გიორგი კეკელიძემ გუშინ სოციალურ ქსელში დაწერა პარლამენტის თავმჯდომარესთან შეხვედრისა და მისი წინადადების შესახებ, რომ თანამდებობა უნდა დაეტოვებინა.