რა ხდება: პარტია ევროპული საქართველოს წევრმა, გიორგი კანდელაკმა სამების ტაძარში გადაღებული ვიდეო გამოაქვეყნა.

  • კადრებში ჩანს ხატი, რომლის ერთ-ერთ ფრაგმენტზე სავარაუდოდ, იოსებ სტალინია გამოსახული.
  • სამებაში განთავსებული ხატი ძალიან ჰგავს რუსეთში შექმნილ ხატს, სახელწოდებით ნეტარი მატრონა აკურთხებს იოსებ სტალინს.

დეტალები: ხატი ანალოგიური სიუჟეტით, თავდაპირველად, 2008 წელს, სანკტ-პეტერბურგის ერთ-ერთ ეკლესიაში გამოჩნდა.

ფოტო: europeantimes.news

  • მასზე სტალინთან ერთად, მატრონა მოსკოველია გამოსახული.
  • მატრინა მესკოველს მოიხსენიებდნენ, როგორც "ნეტარს, წინასწარმეტყველსა და სასწაულთმოქმედს".
  • გამოცემა მედუზას მიხედვით, 2008 წელს სანკტ-პეტერბურგის ეკლესიაში ხატის გამოფენამ საზოგადოებაში აჟიოტაჟი გამოიწვია, რის შემდეგაც მართლმადიდებლური ეკლესიის ხელმძღვანელობამ დაგმო ეკლესიის მღვდელის საქციელი და ის სამსახურიდან გაათავისუფლა.

ბოლო ხაზი: სამების ტაძარში სტალინის გამოსახულების მსგავსი ხატის არსებობის შესახებ ფაქტს ჯერ არ გამოხმაურებია საქართველოს საპატრიარქო.