ფილტვების ქრონიკული ობსტრუქციული დაავადება (COPD) ფილტვის მძიმე მდგომარეობაა, რომელიც მსოფლიოში სიკვდილიანობის სიხშირით მესამე ადგილზეა. დაავადება ფილტვების ხანგრძლივ და განუკურნებელ დაზიანებას იწვევს. ასეთ დროს ერთადერთი პოტენციური განკურნება ფილტვის გადანერგვაა.

თუმცა, ეს პრობლემაა, რადგან ფილტვების შესაფერისი დონორების პოვნა საკმაოდ რთულია.

ამ გამოწვევის დასაძლევად მეცნიერები ხელოვნური ფილტვების შექმნაზე მუშაობენ. ისინი ამის მიღებას პლურიპოტენტური ღეროვანი უჯრედებიდან (PSCs) ცდილობენ.

როგორ აკეთებენ ამას?

პლურიპოტენტურ ღეროვან უჯრედებს თვითგანახლება შეუძლიათ, რითაც სხეულის ქსოვილების ყველა უჯრედს წარმოქმნიან. ასეთი ხელოვნური ფილტვების შესაქმნელად და გასავითარებლად, იაპონიის ნარას მეცნიერებისა და ტექნოლოგიების ინსტიტუტის (NAIST) მკვლევრები ცხოველურ მოდელებს იყენებენ. ამით ისინი სხვადასხვა სახეობებს აერთიანებენ.

მკვლევრებმა PSC და ემბრიონის ღეროვანი უჯრედები (ESCs) ბლასტოციტის კომპლემენტაციის ტექნიკით გააერთიანეს. ეს უჯრედების შერევასა და შეხამებას მოიცავს, რომელიც სხვადასხვა სახეობებიდან ხდება.

მაგალითად, მათ შეუძლიათ მიიღონ PSC ან ESC-ები ერთი ტიპის ცხოველისგან და გადაიყვანონ ის მეორეში. ეს ქმნის ქიმერულ ორგანოებს, რომლებიც სხვადასხვა სახეობის უჯრედებისგან შედგებიან.

მეცნიერებმა ამ ტექნიკის გამოყენებით წარმატებით შექმნეს პანკრეასი, გული და თირკმელი. თუმცა, იგივე მეთოდით ფილტვების შექმნა პრობლემურია და კვლავ გამოწვევას წარმოადგენს.

და აი ახლა, NAIST-ის მეცნიერებმა გაარკვიეს, თუ როგორ უნდა ცხოველის ფილტვები. ამისთვის საპირისპირო-ბლასტოციტის კომპლემენტაციის (rBC) მეთოდით ემბრიონებში ფილტვების განვითარების პრობლემების მქონე მუტანტის ESC-ები შეჰყავდათ.

კვლევა ორიენტირებული იყო იმ ცილის მნიშვნელობის გაგებაზე, რომელსაც ფიბრობლასტის ზრდის ფაქტორი 10 (Fgf10) ეწოდება. მათ აინტერესებდათ თუ როგორ ურთიერთქმედებს ის Fgf რეცეპტორის სპეციფიკურ ფორმასთან, კერძოდ, Fgf რეცეპტორ 2-ის IIIb იზოფორმასთან (Fgfr2b). ეს ყველაფერი ფილტვების განვითარების გასაგებად მნიშვნელოვანია.

"ამ შედეგებს ქიმერული ფილტვების შემუშავების მხრივ მნიშვნელოვანი შედეგების მოცემა შეუძლია", — ამბობენ მკვლევრები.

კვლევის ნახვა აქ შეგიძლიათ.