მოკლედ: ირანში, ყასემ სოლეიმანის საფლავთან მომხდარ აფეთქებაზე პასუხისმგებლობა ისლამურმა სახელმწიფომ აიღო.

  • თავდაპირველი ინფორმაციით, დაღუპული ადამიანების რაოდენობა 103 იყო, თუმცა, ამ დროისთვის, ოფიციალური ცნობით, მსხვერპლი სულ მცირე 84 ადამიანია.
  • დაშავდა 300-მდე პირი.

განმარტება: რა არის ისლამური სახელმწიფო

დეტალები: განცხადება ისლამურმა სახელმწიფომ ტელეგრამის საშუალებით გაავრცელა.

  • თქვეს, რომ თავდასხმა ორმა მებრძოლმა განახორციელა, მათ ასაფეთქებელი ჟილეტები ეცვათ.
  • ირანმა განაცხადა, რომ "შურს იძიებს" თავდასხმაზე პასუხისმგებელ პირებზე.
  • ეს, ირანის ტერიტორიაზე ყველაზე დიდი და სისხლიანი თავდასხმა იყო, 1979 წლის ისლამური რევოლუციის შემდეგ.

ბოლო ხაზი: აფეთქება გენერალ ყასემ სოლეიმანის მკვლელობიდან მეოთხე წლისთავის აღსანიშნავ მსვლელობაზე მოხდა.

  • ყასემ სოლეიმანი ირანში უზენაესი ლიდერის, აიათოლა ალი ხამენეის შემდეგ, ყველაზე გავლენიან ფიგურად მოიაზრებოდა. ის ირანის ელიტური ძალების, ყუდსის მეთაური იყო. სოლეიმანი 2020 წლის იანვარში, ერაყში, აშშ-ის უპილოტო თვითმფრინავის თავდასხმის შედეგად დაიღუპა.