ეპოქაში, რომელშიც ინფორმაცია სინათლის სიჩქარით ვრცელდება, ხოლო დეზინფორმაციას შეუძლია, საზოგადოებას ტყის ხანძარივით მოედოს, გეოლოკაციის ცოდნა მძლავრი იარაღია. დედამიწის ზედაპირზე ობიექტების განლაგების, მათი ისტორიის მარტივად გაგება და ინტერპრეტირება ინფორმაციის ავთენტურობის დასადგენად კრიტიკულად მნიშვნელოვანია. შესაბამისად, რაც უფრო მეტ ადამიანს აქვს გეოლოკაციის უნარები, მით უფრო სუსტია აქტორი, რომელიც საზოგადოების შეცდომაში შეყვანას ცდილობს.

გინდა იყო სასარგებლო მოქალაქე, რომელიც ციფრულ სამყაროში დეზინფორმაციის წინააღმდეგ საბრძოლველად მუდმივად მზადაა? შეავსე ქვიზი და შეაფასე შენი გეოლოკაციის უნარი!

ქვიზი: გაქვს თუ არა გეოლოკაციის უნარები?

ტესტის დაწყება

1 / 8 მოდი, ჯერ ამას გკითხავ, საერთოდ თუ იცი, რა არის გეოლოკაცია?

• კი, წამიკითხავს, მეცნიერებაა, რომელიც რუკებს შეისწავლის
• გეო-ლოკაცია, ანუ საქართველოს მდებარეობა რუკაზე
• კი, მეგრული გვარია...
• გეოლოკაცია ადამიანის თუ ელექტრონული მოწყობილობის ზუსტი გეოგრაფიული კოორდინატების დადგენის პროცესია

2 / 8 შემდეგი შეკითხვა: ჩამოთვლილთაგან, რომელი აპლიკაცია არ გამოგადგება გეოლოკაციის მიზნით?

• TikTok
• Google Maps
• Wikimapia
• Google Earth

3 / 8 მოდი, გავართულოთ... რა ეწოდება მოწყობილობის ადგილმდებარეობის დადგენას ახლომდებარე ანძების ანალიზის მეშვეობით?

• სატელიტური გამოჭერა
• გეოლოკაციური შემოღობვა
• ანძური გადაჭერა
• ტრიანგულაცია

4 / 8 და ის მაინც თუ იცი, რა არის ლიდარი?

• ლიდარი ლაზერული მანძილსაზომია
• ლიდარი გეოლოკაციის უძველესი ხელსაწყოა, რომელსაც არქიმედე იყენებდა
• ლიდერის ანტონიმი
• ეს მაინც არ არის მეგრული სახელი?

5 / 8 ახლა კი ნამდვილად ჩაგჭრი... თუ იცი, რომელი ტექნოლოგია იყენებს რადიოსიხშირულ იდენტიფიკაციას ობიექტისათვის რეალურ დროში თვალყურის სადევნებლად?

• გეოლოკაციური შემოღობვა
• RFID
• GPS
• DHL

6 / 8 კარგი, ერთი რთულიც და შემდეგ გავამარტივებ... როგორ იშიფრება IPS?

• პოსტ პოსტ სკრიპტუმ
• გლობალური პოზიციონირების სისტემა
• დახურულ სივრცეში პოზიციონირების სისტემა
• საერთაშორისო პოზიციონირების სერვისი

7 / 8 როგორც შეგპირდი, ახლა შედარებით გავამარტივებ... რას ვერ იზამ Google Earth-ით?

• ობიექტის ცვლილებას ვერ დააკვირდები რეალურ დროში
• ვერ გაზომავ მანძილს ორ ობიექტს შორის
• ვერ შეძლებ ნახო, როგორი იყო ობიექტი წარსულში
• ვერ დააკვირდები ობიექტს ქუჩის ხედით

8 / 8 ბოლოს კი ზოგად ცოდნას შევამოწმებთ... თუ იცი, რომელ ქალაქზე გადის ნულოვანი მერიდიანი?

• მუმბაი
• პარიზი
• ლონდონი
• თბილისი

ერთი წუთით...

მასალა შექმნილია ევროკავშირის ფინანსური მხარდაჭერით. მის შინაარსზე პასუხისმგებელია EU4IM-ის ბენეფიციარი On.ge. სტატიაში გამოთქმული მოსაზრებები, შესაძლოა, არ ასახავდეს ევროკავშირის შეხედულებებს.