შაკირას მშობლიურ ქალაქ ბარანკილიაში კოლუმბიელი მომღერლის ბრინჯაოს ქანდაკება დადგეს. გულშემატკივრები 6,5 მეტრის სიმაღლის ქანდაკებით აღფრთოვანებას ვერ მალავენ. ქანდაკება შაკირას ერთ-ერთი ყველაზე ცნობილი მუსიკალური ვიდეოდან Hips Don't Lie მისი ცეკვის მოძრაობას იმეორებს.

სოციალურ ქსელში ქანდაკების დადგმას მრავალფეროვანი რეაქცია მოჰყვა. ბევრმა ადამიანმა ის თავისუფლების ქანდაკებასაც შეადარა, ტურისტების ნაწილმა კოლუმბიაში წასვლა ქანდაკების სანახავად უკვე დაგეგმეს, ზოგმა კი იხუმრა, რომ ქანდაკება იმაზე დიდია, ვიდრე პიკეს კარიერა. ცნობილი წყვილი 12-წლიანი ქორწინების შემდეგ 2022 წელს დაშორდა.

"საერთოდ არ ვეხვეწები დედაჩემს და მამაჩემს, როცა კოლუმბიაში წავლენ, მეც წამიყვანონ, მხოლოდ და მხოლოდ შაკირას ქანდაკებისთვის"

"ეს ქანდაკება პიკეს მთლიან კარიერაზე დიდია"

ქანდაკების გახსნის ცერემონიას შაკირას მშობლები დაესწრნენ. მომღერალმა ფოტოები სოციალურ ქსელში გაავრცელა, სადაც შაკირას ქანდაკების ფონზე, მისი მშობლები და ქალაქის მერი ჩანან. შაკირას თქმით, ძალიან ბედნიერია და მოქანდაკესა და მის სტუდენტებს გაწეული შრომისთვის მადლობას უხდის.

ლათინოამერიკელი პოპმომღერალი პოპულარობას უკვე 30 წელზე მეტია ინარჩუნებს. ის 2023 წლის ლათინური გრემის სამი ნომინაციის გამარჯვებული გახდა.

იხილეთ ასევე: