მოკლედ: ღამით რუსი ოკუპანტები უკრაინას შაჰედის ტიპის დრონებით, ოკუპირებული ყირიმის ტერიტორიიდან დაესხნენ თავს.

  • ამის შესახებ ინფორმაციას უკრაინის საჰაერო ძალები ავრცელებს.

დეტალები: რუსებმა სულ 19 შაჰედი გაუშვეს, მათგან 18 — ოდესის, ხერსონის, დნეპროპეტროვსკის, ვინიცის, ხმელნიცკის, კიევის, ჩერნიჯივის და კიროვოგრადის ოლქებში საჰაერო თავდაცვამ გაანადგურა.

  • საჰაერო ძალებმა, ასევე, აღნიშნა, რომ მტერმა შეუტია ხარკოვის რეგიონსაც, ბელგოროდის რეგიონიდან, S-300 საჰაერო თავდაცვის სისტემის ორი საზენიტო მართვადი რაკეტით. წინასწარი ინფორმაციით, მსხვერპლი არ ყოფილა.
  • თავდასხმის გამო, საჰაერო განგაში ისმოდა თითქმის მთელი ქვეყნის ტერიტორიაზე.

ბოლო ხაზი: მანამდე, ოკუპანტები თავს დაესხნენ ხერსონის დასავლეთ სანაპიროს, დაშავებულებს შორის არიან ბავშვებიც.

დაზიანდა სასწავლო დაწესებულებები და სახლები.