ადამიანები წარმატებულები არ იბადებიან, ისინი წარმატებულები ხდებიან. თითოეული ადამიანი თავისებურად აღწევს მიზანს. თუმცა, ყველაზე წარმატებულებს აქვთ საერთო ჩვევები, რომლებიც მწვერვალზე აყვანაში დაეხმარათ. სტატიაში 5 მათგანს გაგაცნობთ.

სწორად ჩამოაყალიბეთ მიზნები

ნებისმიერი ბიზნესის დაწყებამდე, დაისახეთ მიზანი თუ რისი მიღწევა გსურთ, გონივრულად შექმენით სასურველი შედეგის მოდელი. სწორად დასახული მიზანი, იმის გაგების შესაძლებლობას გაძლევს, თუ რა მიმართულებით უნდა იმოძრაო. ის უნდა იყოს: გაზომვადი, მიღწევადი, დროში გათვლილი, სპეციფიკური, შესაბამისი და შინაარსიანი. მნიშვნელოვანია, რომ არ არიოთ მიზნები და ოცნებები. ოცნებები, როგორც წესი, აბსტრაქტულია და არ აქვთ კონკრეტული ვადა. "მინდა ვიყო მდიდარი" ოცნებაა, "მინდა ვიშოვო 100 ათასი დოლარი 2024 წლის ბოლომდე" არის მიზანი.

სწორად განსაზღვრეთ პრიორიტეტები

მოტივაციური სპიკერი ბრაიან ტრეისი წიგნში "ჩვევები მილიონ დოლარად", წარმატების მისაღწევად ერთ-ერთ ყველაზე მნიშვნელოვან ფაქტორად პრიორიტეტების განსაზღვრის კარგ უნარს მიიჩნევს. გამოიყენეთ მისი ABCDE მეთოდი. პირველ რიგში, ფურცელზე ჩამოწერეთ ყველა დავალება, შემდეგ მიანიჭეთ რეიტინგი A-დან E-მდე. A არის უმაღლესი მნიშვნელობის ამოცანები, რომლებიც რაც შეიძლება მალე უნდა განიხილებოდეს, ხოლო E -ზე მოათავსეთ ამოცანები, რომელთა სრული იგნორირება შესაძლებელია. ეს მეთოდი საშუალებას მოგცემთ ეფექტურად დააორგანიზოთ სამუშაო და ყველაფერი მოასწროთ.

განაგრძეთ სწავლა

ტყუილად არ ამბობენ, რომ წარმატებული ადამიანები მუდმივად სწავლობენ, წარუმატებლებმა კი უკვე ყველაფერი იციან. განვითარება და გაუმჯობესება წარმატების ყველაზე მნიშვნელოვანი პირობაა, რადგან შენს ირგვლივ სამყაროც იცვლება. "თუ გააგრძელებთ იმას, რაც უკვე გააკეთეთ, საბოლოოდ მიიღებთ იმას, რა შედეგიც ადრე მიიღეთ", — თქვა ცნობილმა ამერიკელმა ბიზნეს მწვრთნელმა ჯიმ რონმა. მეტიც, შეიძლება საერთოდ არაფერი დარჩეთ, რადგან მოძველებული ცოდნა უბრალოდ არავის გამოადგება. წიგნები, ტრენინგები, ვებინარები, კონფერენციები — ეს ყველაფერი დაგეხმარებათ გაეცნოთ პრობლემების გადაჭრის უახლეს გზებს. დიახ, თქვენ მოგიწევთ ამაში ფულის გადახდა, მაგრამ განათლებაზე დახარჯული თანხა ყოველთვის საუკეთესო ინვესტიციაა.

აკონტროლეთ ხარჯები

ფულის გონივრულად მართვა წარმატებული ადამიანების ერთ-ერთი ჩვევაა. ბოლოს და ბოლოს, მდიდარი ის კი არ არის ვინც ბევრს შოულობს, არამედ ის, ვინც გონივრულად ხარჯავს. ფინანსური დაგეგმვა, ძვირადღირებული შენაძენების საჭიროების რეალური შეფასება და გონივრული დანაზოგი დაგეხმარებათ სწორად დახარჯოთ. გირჩევთ შეინახოთ შემოსავლებისა და ხარჯების ჩანაწერები — ამას ყველაზე მდიდარი ადამიანებიც კი აკეთებენ. პოპულარული მოსაზრების

მიუხედავად, ისინი არ არიან მფლანგველები. პირიქით, ფულს რაციონალურად ექცევიან. ტყუილად არ არის, რომ ბევრ ვარსკვლავს არ ერიდება ფასდაკლებებისა და სარეკლამო კოდების გამოყენება, რაზეც ისინი ღიად საუბრობენ. წარმატებული ადამიანები ხარჯებს აფასებენ რესურსების მიხედვით: ფული, დრო, სასიცოცხლო ენერგია, ჯანმრთელობა, საყვარელ ადამიანებთან ურთიერთობა, რეპუტაცია და ა.შ.

გამოიყენეთ თქვენი რესურსები გონივრულად, განსაკუთრებით დრო

"ყველაზე ღირებული რესურსი, რაც გაგვაჩნია, არის დრო", — თქვა სტივ ჯობსმა. შეგიძლიათ დაზოგოთ დრო სხვადასხვა გზით და სხვადასხვა სიტუაციებში. მაგალითად, იყიდეთ ახალი გაჯეტი. ჩნდება კითხვა: რა ვუყოთ ძველს? ვინც რესურსებს რაციონალურად იყენებს (დრო, ფული, ძალისხმევა და ა.შ.) იმის ნაცვლად, რომ თავად გაყიდოს, გამოიყენებს Trade-in სერვისს. ეს არის თქვენი მოწყობილობის გაყიდვის ყველაზე სწრაფი და უსაფრთხო გზა თაღლითების თავიდან ასარიდებლად.

როგორ მუშაობს ეს ყველაფერი? ვთქვათ, გსურთ შეიძინოთ ახალი iPhone-ი. აირჩიეთ თქვენთან ყველაზე ახლოს მდებარე ოფიციალური რესელერი (მაგალითად:iSpace, Alta, Elit Electronics, Kontakt Home, iStore, Silknet), მოიტანეთ ძველი მოწყობილობა (Apple ან Android), კონსულტანტი შეაფასებს თქვენს გაჯეტს და დაუყოვნებლივ გეტყვით ფასდაკლების თანხას ნებისმიერ ახალ Apple-ის მოწყობილობაზე. ეს ყველაზე სწრაფი, უსაფრთხო და მაქსიმალურად მოსახერხებელი ვარიანტია. სხვათა შორის, დეკემბრის ბოლომდე ოფიციალურ რესელერებს აქვთ სპეციალური შეთავაზება — iPhone-ის პოპულარული მოდელების შეძენისას, ძველი სმარტფონის გამოსყიდვის ფასის გარდა შეგიძლიათ მიიღოთ 270 ლარამდე ფასდაკლება. ამ გზით დაზოგავთ არა მხოლოდ დროს, არამედ ფულსაც.

ვიმედოვნებთ, რომ ეს 5 ჩვევა წარმატებამდე მიგიყვანთ. მთავარია გჯეროდეს, რომ ეს აუცილებლად მოხდება. ბოლოს და ბოლოს, როგორც ჰენრი ფორდმა თქვა: "თუ ფიქრობ, რომ რაღაცის გაკეთება შეგიძლია, შენ მართალი ხარ, ხოლო თუ ფიქრობ, რომ რაღაცის გაკეთებას ვერ შეძლებ, ამ შემთხვევაშიც მართალი ხარ".