მოკლედ: გუშინ, 2023 წლის 14 დეკემბერს, ევროკავშირის 27 წევრი ქვეყნის გადაწყვეტილებით, საქართველოს ევროკავშირის კანდიდატი ქვეყნის სტატუსი მიენიჭა.

  • საქართველომ ევროკავშირში გაწევრიანებასთან დაკავშირებით განაცხადი 2022 წლის 3 მარტს გააკეთა.

დეტალები: საქართველოსთვის ევროკავშირის კანდიდატი ქვეყნის სტატუსის მინიჭებას საერთაშორისო საზოგადოება გამოეხმაურა.

  • "ვულოცავ ქართველ ხალხს ამ ისტორიულ დღეს ქვეყნისა და ევროკავშირისთვის. ჩვენ გავიგეთ თქვენი ხმა და თქვენი ევროპული მისწრაფებები", — წერს ევროპარლამენტის პრეზიდენტი, რობერტა მეცოლა.
  • "თქვენ ეს შეძელით!", — ამბობს ევროპარლამენტარი, ვიოლა ფონ კრამონი და იმედოვნებს, რომ მალე გვიხილავს ევროკავშირში.
  • საქართველოს ევროკავშირის კანდიდატის სტატუსის მიღებას ულოცავენ უკრაინისა და მოლდოვის პრეზიდენტებიც, რომლებიც გაწევრიანებასთან დაკავშირებით, უკვე მოლაპარაკებების ეტაპზე გადავიდნენ.
  • "საქართველო ჩვენს საერთო ევროპულ სახლს ეკუთვნის", — წერს ზელენსკი და აღნიშნავს, რომ სატელეფონო საუბარი ჰქონდა სალომე ზურაბიშვილთან, სადაც ერთმანეთს მიულოცეს ევროსაბჭოს გუშინდელი გადაწყვეტილებები.
  • "მოლდოვა თქვენს გვერდით დგას ამ მოგზაურობაში, რადგან ერთად ვაყალიბებთ უფრო ძლიერ და გაერთიანებულ ევროპას", — აცხადებს მაია სანდუ.
  • ევროსაბჭოს გადაწყვეტილებას გამოეხმაურა, იან კელიც, აშშ-ის ყოფილი ელჩი საქართველოში:
  • "როგორც ნოე ჟორდანია ამბობდა, საქართველოს მომავალი განუყოფლად არის დაკავშირებული დასავლეთთან და ვერანაირი ძალა ვერ გაწყვეტს ამ კავშირს", — ამბობს ის.
  • უკრაინის პრეზიდენტის ადმინისტრაციის ხელმძღვანელი, ანდრეი ერმაკი მილოცვის ტექსტს სოციალურ ქსელში ქართულ ენაზე აქვეყნებს:
  • "მივესალმები ისტორიულ გადაწყვეტილებას, რომ საქართველოს მიენიჭოს ევროკავშირის კანდიდატის სტატუსი", — წერს ამერიკელი სენატორი, ჯინ შაჰინი.
  • კანდიდატის სტატუსის მიღებას გვილოცავს ჰადას მეიცადიც, ისრაელის ელჩი საქართველოში.
  • "Gaomar…..jos!", — ასე ეხმაურება ევროსაბჭოს გადაწყვეტილებას საფრანგეთის ელჩი საქართველოში, შერაზ გასრი.
  • გერმანიის ელჩი კი ამ ფოტოთი გვილოცავს კანდიდატის სტატუსის მიღებას:
  • "ვულოცავთ უკრაინას, მოლდოვას, საქართველოსა და ბოსნია და ჰერცოგოვინას ევროკავშირის მისწრაფებებისკენ გადადგმულ ისტორიულ ნაბიჯს", — წერს აშშ-ის სახელმწიფო დეპარტამენტის პრესსპიკერი.
  • ევროკავშირის წევრი ქვეყნების ელჩები კი ასეთ ვიდეოს ავრცელებენ: