რა ხდება: სტატისტიკის ეროვნული სამსახურის ინფორმაციით, 2023 წლის III კვარტალში საზღვარგარეთ ქვეყნიდან 819.9 ათასი მოქალაქე გავიდა.

  • ეს, გასული წლის ამავე პერიოდის მაჩვენებელთან შედარებით, 18.2 პროცენტით მეტია
  • მოგზაურების 45.4 პროცენტი 31-50 ასაკობრივ კატეგორიაშია.

უფრო ხშირად, რისთვის მიდიან საქართველოდან საზღვარგარეთ:

საყიდლებისთვის.

სტატისტიკის ეროვნული სამსახურის ინფორმაციით, ამ მიზნით 2023 წლის მესამე კვარტალში, მოგზაურების 33.4 პროცენტი წავიდა საზღვარგარეთ.

რომელ ქვეყნებში მიემგზავრება ყველაზე მეტი ვიზიტორი საქართველოდან:

თურქეთში, სომხეთსა და რუსეთში.

2023 წლის III კვარტალში საქართველოდან მოგზაურების 41.5 პროცენტი თურქეთში წავიდა, 16% — სომხეთში.

მესამე ადგილზეა რუსეთი, 14.4%-ით.

რაში ხარჯავენ საქართველოს მოქალაქეები მოგზაურობის დროს ყველაზე მეტ ფულს: 2023 წლის მესამე კვარტალში, მოგზაურებმა ყველაზე მეტი თანხა საყიდლებში დახარჯეს.

საერთო ჯამში, ამ პერიოდში საყიდლებისთვის დახარჯულმა თანხამ 236.7 მლნ ლარი შეადგინა.

საკვებისა და სასმელისთვის დახარჯეს 137.9 მლნ ლარი.

სტატისტიკის ეროვნული სამსახურის ინფორმაციით, ცალკეულ შემთხვევებში მცირე განსხვავება საბოლოო შედეგსა და შესაკრებთა ჯამს შორის მონაცემთა დამრგვალებით აიხსნება.