რა ხდება: მიხეილ სააკაშვილი აცხადებს, რომ ის რასიზმსა და სექსიზმში უსაფუძვლოდ დაადანაშაულეს.

  • განცხადება ყოფილი პრეზიდენტის ფეისბუქგვერდზე გამოქვეყნდა, ის ინ ვიტრო განაყოფიერების შესახებ სასამართლო სხდომაზე ნათქვამს განმარტავს.

დეტალები: სააკაშვილი წერს, რომ საკუთარი ბიოგრაფიიდან გამომდინარე, მისი დადანაშაულება სხვა ერების მიმართ "რასიზმში ან სექსიზმში, განსაკუთრებით, როცა საქმე შობადობას ეხება", უხერხულია.

  • "ფაქტი ფაქტად რჩება, ხელოვნური განაყოფიერების პროცედურა რამდენიმე ათას დოლარამდე ჯდება, რაც ქართველთა 90%-ს უბრალოდ არ აქვს.
  • დიახ, ჩვენ გვინდა გვყავდეს მეტი ქართველი, საქართველოს მეტი მოქალაქე და დიახ, ამას ყველანაირად უნდა შევუწყოთ ხელი, მათ შორის IN VITRO პროცედურის სუბსიდირებით", — წერია სააკაშვილის განცხადებაში.

ბოლო ხაზი: 20 ნოემბერს, სასამართლო სხდომაზე სააკაშვილმა თქვა, რომ ხელოვნური განაყოფიერება (ინ ვიტრო) საქართველოში უფასო უნდა იყოს.

ამ კონტექსტში მან განაცხადა, რომ ქართველი ქალები "შიდა უბედურებაში" არიან იმით, რომ უცხოელების ბავშვებს ატარებენ:

"უცხოელები ჩამოდიან და იყენებენ ქართველ ქალებს. თავისი შვილები უნდა ჩასახონ და არა ამერიკელების, ავსტრიელის და ბანგლადეშელის", — თქვა სააკაშვილმა.