რა ხდება: ისრაელელმა ჯარისკაცებმა ჰამასის მიერ აყვანილი ტყვეებიდან ერთ-ერთის ცხედარი იპოვეს.

დეტალები: ისრაელის თავდაცვის ძალების (IDF) ინფორმაციით, 65 წლის იეჰუდიტ ვეისს ღაზაში, ალ-შიფას საავადმყოფოსთან ახლოს მიაგნეს.

  • "სამწუხაროდ, იეჰუდიტი ღაზაში ტერორისტებმა მოკლეს", — თქვა IDF-ის წარმომადგენელმა დანილ ჰაგარიმ.
  • IDF-ის ინფორმაციით, ცხედართან ახლოს იპოვეს, ასევე, იარაღი,
  • მომხდარის შესახებ ოჯახს უკვე აცნობეს.

ბოლო ხაზი: ვეისი 7 ოქტომბერს ღაზას სექტორთან ახლოს მდებარე სოფლიდან გაიტაცეს.

მისი ქმარი ჰამასის თავდასხმას ემსხვერპლა.

სულ, ჰამასის თავდასხმების შედეგად, ისრაელში 1200 ადამიანი დაიღუპა, 200-ზე მეტი ტერორისტებს ტყვედ ჰყავთ აყვანილი.