ცოტა ხნის წინ გავრცელებული ინფორმაციით, Hulu ახალ სერიალზე იწყებს მუშაობას, რომელიც Prison Break-ის სამყაროს შესახებ იქნება. როგორც ახალი სერიალის შემქმნელი და რეჟისორი ელგინ ჯეიმსი აცხადებს, შოუში Prison Break-ის პერსონაჟებს ვერ ვიხილავთ, თუმცა მოქმედება იგივე სამყაროში ვითარდება, რომელშიც ჩვენთვის უკვე კარგად ნაცნობი გმირები ცხოვრობენ. ახალ სერიალზე ჯეიმსთან ერთად Prison Break-ის შემქმნელებიც იმუშავებენ.

Prison Break-ის მე-6 სეზონის გამოსვლას მაყურებელი 2019 წელს ელოდა, რაც სერიალის მსახიობმა, დომინიკ პარსელმაც, დაადასტურა. თუმცა მოგვიანებით გაირკვა, რომ შოუს მთავარ ვარსკვლავს, უენტუორთ მილერს, სერიალში მონაწილეობის სურვილი აღარ ჰქონდა.

"ოფიციალურად გამოვეთიშე გაქცევას. აღარ მინდა ჰეტეროსექსუალი პერსონაჟები განვასახიერო. მათი ისტორიები მრავალჯერაა მოთხრობილი უკვე. შესაბამისად, მაიკლს ეკრანზე ვეღარ იხილავთ. თუ შოუს ფანი იყავით და ახალ სეზონებს ელოდით, მესმის თქვენი იმედგაცრუება და ვწუხვარ", — განაცხადა მილერმა 2020 წელს.

შეგახსენებთ, რომ Prison Break-ის პრემიერა 2005 წელს შედგა და მალევე მილიონობით მაყურებლის გული მოიგო. სერიალი მეოთხე სეზონით 2009 წელს დასრულდა, თუმცა 8 წლის შემდეგ ახალი, მეხუთე სეზონიც გადაიღეს, რომლის პრემიერაც 2017 წელს შედგა.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…