HBO-ს საკულტო სერიალის, სამეფო კარის თამაშების, გამოსვლამდე სულ უფრო და უფრო ცოტა დრო რჩება.

ახალ-ახალი ტრეილერების შემდეგ, არხმა მაყურებელს კიდევ ერთი სიურპრიზი მოუწყო და ახალი სეზონის პირველი სამი სერიის სახელი გაუმხილა:

  • პირველი ეპიზოდი - Dragonstone (16 ივლისი)
  • მეორე ეპიზოდი - Stormborn (23 ივლისი)
  • მესამე ეპიზოდი - The Queen’s Justice (30 ივლისი)

როგორც სერიების სახელწოდებებიდან ჩანს, ახალ სეზონში, როგორც მოსალოდნელი იყო მთავარი აქცენტი დედოფლების ომზე გაკეთდება. ვესტეროსში ქალების ბრძოლა იწყება. ერთმანეთს სერსეი ლანისტერი, დაენერის ტარგარიანი და სანსა სტარკი დაუპირისპირდებიან, მათთან ერთად კი არია, იარა გრეიჯოი და ელარია სენდი იბრძოლებენ.

აღსანიშნავია ისიც, რომ HBO-ს გადაწყვეტილებით, გამომდინარე იქიდან, რომ მეშვიდე სეზონში ტრადიციული ათი სერიის ნაცვლად შვიდი ეპიზოდი იქნება, სამეფო კარის თამაშების ახალი სეზონში ყველაზე გრძელი სერიები იქნება. რაც მათი ვარაუდით, ფანებს იმ დანაკლისს შეუვსებს, რომელსაც ეპიზოდების ნაკლები რაოდენობა გამოიწვევს.

როგორც შოუს პროდიუსერები ამბობენ ახალ სეზონში ბოლო ორი სერია ყველაზე ხანგრძლივი იქნება. მეექვსე სერია 71, ხოლო ფინალური, მეშვიდე ეპიზოდი 81 წუთიანი.

რაც შეეხება სხვა სერიებს, პირველი, მეორე და მეხუთე ეპიზოდები 59 წუთიანი იქნება, მესამე სერია - 63 წუთიანი, ყველაზე მოკლე მეოთხე ეპიზოდი იქნება და მისი ქრონომეტრაჟი 50 წუთია.

სერიალი ეთერში 16 ივლისს დაბრუნდება.