სომხეთის პრემიერ-მინისტრი თბილისს, დელეგაციასთან ერთად, "აბრეშუმის გზის ფორუმის" ფარგლებში ეწვია.

  • მას აეროპორტში საქართველოს რეგიონული განვითარებისა და ინფრასტრუქტურის მინისტრი - ირაკლი ქარსელაძე, საქართველოში სომხეთის ელჩი - აშოტ სმბატიანი და სომხეთში საქართველოს ელჩი - გიორგი შარვაშიძე დახვდნენ.

რა ვიცით ფორუმის შესახებ: ორდღიანი ღონისძიება, ოფიციალურად, დღეს გაიხსნება.

  • "აბრეშუმის გზის ფორუმს“ 2000-ზე მეტი დელეგატი და სტუმარი დაესწრება 60-მდე ქვეყნიდან.
  • გუშინ, საღამოს გაიმართა მიღების ოფიციალური ცერემონია. ღონისძიებას, ეკონომიკის სამინისტროს ინფორმაციით, ევროპისა და აზიის ქვეყნების ხელისუფლების უმაღლესი პირები, საერთაშორისო ორგანიზაციების და ინსტიტუტების წარმომადგენლები და გლობალური ბიზნეს-სექტორის ლიდერები დაესწრნენ.
  • ეკონომიკის მინისტრმა ლევან დავითაშვილმა თვა, რომ მათ შესაძლებლობა ექნებათ, მომდევნო ორი დღის განმავლობაში კოლეგებთან ერთად ჩაუღრმავდნენ მიმდინარე მოვლენებს და სამომავლო გეგმებს „შუა დერეფნის“ გასწვრივ, სხვადასხვა სექტორში, როგორებიცაა - ვაჭრობა, ტრანსპორტი, ენერგეტიკა, ინვესტიციები, ტურიზმი, კომუნიკაციები და ფინანსური ტექნოლოგიები.