რა ხდება? აშშ-ევროკავშირის სამიტის ერთობლივ განცხადებაში საქართველოა მოხსენიებული.

რა წერია?

  • "ჩვენ [აშშ-ევროკავშირი] სრულად ვაგრძელებთ საქართველოს ტერიტორიული მთლიანობის, მისი სუვერენიტეტისა და ევროპული პერსპექტივის მხარდაჭერას."
  • დოკუმენტი, გვერდი 3

ევროკავშირი-აშშ სამიტი ბევრი მიზეზის გამოა მნიშვნელოვანი, მათ შორისაა:

ტრანსატლანტიკური პარტნიორობა

  • ევროკავშირს და შეერთებულ შტატებს ეკონომიკური, პოლიტიკური და უსაფრთხოების სფეროში თანამშრომლობის ხანგრძლივი ისტორია აქვთ.
  • ისინი ერთად წარმოადგენენ მსოფლიო ეკონომიკის მნიშვნელოვან ნაწილს და იზიარებენ საერთო ღირებულებებს, მათ შორის დემოკრატიის, ადამიანის უფლებებისა და კანონის უზენაესობას.
  • სამიტი ამ ტრანსატლანტიკური პარტნიორობის ხელახლა დადასტურებასა და გაძლიერებას ემსახურება-ხოლმე.

გეოპოლიტიკური გამოწვევები

სამიტი ისეთი საერთო გეოპოლიტიკური გამოწვევების განხილვის შესაძლებლობაა, როგორიცაა:

  • რუსეთის ქმედებები უკრაინაში,
  • ჩინეთის გლობალური გავლენა და სტაბილურობა ახლო აღმოსავლეთში.

დემოკრატიისა და ადამიანის უფლებების გაძლიერება:

  • ევროკავშირი, ისევე, როგორც აშშ, დიდ აქცენტს აკეთებენ დემოკრატიისა და ადამიანის უფლებების ხელშეწყობაზე მთელს მსოფლიოში.
  • სამიტი მათ საშუალებას აძლევს განიხილონ დემოკრატიული მოძრაობების მხარდაჭერის გზები, რათა დაუპირისპირდნენ ავტორიტარულ ტენდენციებს სხვადასხვა რეგიონში.

საქართველოს კონტექსტი:

  • 2022 წელს, უკრაინაში რუსეთის მიერ დაწყებული ომის შემდეგ, საქართველოს ხელისუფლების გავლენიანი პირების განცხადებებმა კითხვები გააჩინა ხელისუფლების საგარეო ვექტორის ცვლილებასთან დაკავშირებით, როგორც საერთაშორისო სტრატეგიულ პარტნიორებში, ასევე, მოსახლეობაში ქვეყნის შიგნით.
  • "დღეს ქვეყნისთვის მტერი შეიძლება, ხვალ გახდეს მოყვარე და დღევანდელი მოყვარე ხვალ გახდეს მტერი", — თქვა საქართველოს თავდაცვის მინისტრმა, ჯუანშერ ბურჭულაძემ, 17 ოქტომბერს საქართველოს პარლამენტში.
  • არადა, სწორედ თავდაცვის სამინისტროს 2021-2025 წლების თავდაცვის სტრატეგიული მიმოხილვის დოკუმენტში წერია, რომ:
საქართველოს უსაფრთხოების მთავარ გამოწვევად კვლავ რჩება რუსეთის
ფედერაციის მცდელობა, არ მისცეს ჩვენს ქვეყანას დამოუკიდებელი საგარეო პოლიტიკის წარმოების
საშუალება და დააბრუნოს რუსული გავლენის სფეროში ან სულ მცირე, ხელი შეუშალოს ქართველი
ხალხის ურყევ არჩევანს - ნატოსა და ევროკავშირში გაწევრებას. ამ მიზნების მისაღწევად, რუსეთის
ფედერაცია მის ხელთ არსებული ინსტრუმენტების, პრაქტიკულად, სრულ სპექტრს იყენებს.

წყარო: 2021-2025 წლის თავდაცვის უსაფრთხოების მიმოხილვის დოკუმენტი