დამწყები ინვესტორები, რომლებიც პირველ საინვესტიციო ნაბიჯებს დგამენ, საფონდო ბირჟზებზე ნაკლებად სარისკო გადაწყვეტილებების მიღებას ამჯობინებენ. ამ შემთხვევაში ერთ-ერთი საუკეთესო გამოსავალი ETF-ში ინვესტირებაა, რომელიც ინვესტორებს ფასიანი ქაღალდის კრებულს სთავაზობს.

ერთ-ერთი ასეთი ფონდი SPDR S&P 500 Trust (SPY)-ია, რომელიც S&P 500-ის ინდექსს მიჰყვება და ინვესტორებისთვის სხვადასხვა კომპანიის აქციებში ფულის ჩადების საშუალებას წარმოადგენს.

S&P 500 ინდექსი ფინანსური მომსახურების კომპანია Standard & Poor’s-მა 1957 წელს შექმნა. 503 კომპანია, რომელსაც ეს ინდექსი აერთიანებს, სხვადასხვა სექტორსა და ინდუსტრიაში საქმიანობს. შესაბამისად, ეს მაჩვენებელი ცხადად აჩვენებს, რა ხდება ქვეყნის ეკონომიკაში და როგორ მიდის საფონდო ბირჟის უმსხვილესი მოთამაშეების საქმე.

S&P 500-ის ინდექსში მასში შემავალი ყველა კომპანიის არსებული მდგომარეობაა ასახული. იმის გათვალისწინებით, რომ ინდექსი შეწონილია მასში თითოეული კომპანია საკუთარი წონით, ანუ საბაზრო კაპიტალიზაციით არის წარმოდგენილი. ის კომპანიები, რომელთა საბაზრო კაპიტალიზაცია მაღალია, ინდექსის ზრდასა და კლებაზე უფრო დიდ გავლენას ახდენენ, ვიდრე შედარებით მცირე მოთამაშეები.

ბუნებრივია, კომპანიები საკუთარი ზომის მიხედვით ერთმანეთისგან განსხვავდებიან — შესაბამისად, თითოეულ მათგანს ინდექსის ფორმირებაზე განსხვავებული გავლენის მოხდება შეუძლია. მაგალითად, ისეთი გიგანტები, როგორებიც Apple და Amazon-ია ინდექსის ზრდისა და კლების პროცესში უფრო მეტად მონაწილეობენ, ვიდრე შედარებით მცირე კომპანიები, როგორებიცაა, მაგალითად, Macy’s, Harley-Davidson და სხვები.

ასეთია იმ 10 ჰოლდინგის ჩამონათვალი, რომელიც S&P 500-ის ინდექსში შედის:

1. Apple Inc. (AAPL)
2. Microsoft Corp. (MSFT)
3. Amazon.com Inc. (AMZN)
4. NVIDIA Corp. (NVDA)
5. Alphabet Inc. Class A (GOOGL)
6. Alphabet Inc. Class C (GOOG)
7. Tesla Inc. (TSLA)
8. Meta Platforms Inc. (META)
9. Berkshire Hathaway Inc. (BRK.B)
10. Exxon Mobil Corp. (XOM)

ბოლო მონაცემების მიხედვით, ინდექსში შემავალი კომპანიების ძირითადი ნაწილი საინფორმაციო ტექნოლოგიების, ჯანდაცვისა და ფინანსურ სექტორებში ოპერირებს. ყველაზე მცირე წილი კი უძრავი ქონებისა და კომუნალური მომსახურების სექტორებზე მოდის.

აღსანიშნავია, რომ ზოგიერთი ინვესტორი ცალკეული აქციების შეძენის ალტერნატივად სწორედ ფონდებში ფულის დაბანდებას განიხილავს. ამ შემთხვევაში საუბარია აქციების კრებულში ინვესტირებაზე, რომელიც, როგორც წესი, დივერსიფიცირებულიც არის და სხვა რისკებისგანაც მნიშვნელოვნად დაზღვეულია.

საქართველოს ბანკის მობილბანკში 6000-მდე ცნობილი კომპანიის აქციის შეძენა არის შესაძლებელი. შენც შეგიძლია დაიწყო ინვესტირება ნებისმიერი თანხით და გახდე ისეთი ცნობილი კომპანიების აქციონერი, როგორებიცაა: Apple, Amazon, Microsoft, Tesla, Google და სხვა.

*ეს არ არის ფინანსური რჩევა

თუ ამ სტატიაში განხილული თემებით ხარ დაინტერესებული, შემოგვიერთდი ჯგუფში ინვესტიციები და გაიგე მეტი აქციებით ვაჭრობის შესახებ.