23 აპრილიდან 26 აპრილის ჩათვლით მონტენეგროს დედაქალაქი პოდგორიცა ჯუდოს 2025 წლის ევროპის ჩემპიონატს უმასპინძლებს. კონტინენტის პირველობისთვის კი ჯამში 15 ქართველი ჯუდოკა იასპარეზებს. საქართველოს ბანკი საქართველოს ოლიმპიური ნაკრების გენერალური სპონსორია.

ოლიმპიადაზე საქართველოს სახელით იასპარეზებენ:

გიორგი სარდალაშვილი (60 კგ.)

21 წლის მსოფლიო ჩემპიონს მოგებული აქვს ევროპის ახალგაზრდული თასი და ახალგაზრდებს შორის ევროპის ჩემპიონატის ვერცხლის მედალი.

ვაჟა მარგველაშვილი (60 კგ.)

31 წლის ასაკში მის ანგარიშზე უკვე არის ორი ოქრო ევროპის ჩემპიონატებზე, მსოფლიო ჩემპიონატის ბრინჯაოს მედალი და, რაც მთავარია, ოლიმპიური ვერცხლი ტოკიოში; წელს ვაჟა თავისი წონის ერთ-ერთ მთავარ ფავორიტად მიიჩნევა.

თემურ ნოზაძე (60 კგ.)

მან ერთ-ერთი ყველაზე პრესტიჟულ გრან პრიზე 2019 წელს ბაქოში ოქროს მედალი მოიპოვა. წელს ვაჟას მსგავსად, თემურიც მედლისთვის 60 კილოგრამ წონით კატეგორიაში იბრძოლებს.

ლაშა შავდათუაშვილი (73 კგ.)

ქართული ჯუდოს ლეგენდა, რომელსაც ყველა სინჯის ოლიმპიური მედალი აქვს მოპოვებული, ევროპის ჩემპიონი ადრეც გამხდარა და აქამდეც ბევრჯერ დაუმტკიცებია, რომ მისთვის ყველა ტურნირი ერთნაირად მნიშვნელოვანია.

ტატო გრიგალაშვილი (81 კგ.)

ბოლო ოლიმპიური თამაშების ვერცხლის პრიზიორს სამჯერ აქვს მოგებული როგორც მსოფლიოს, ისე ევროპის ჩემპიონატები. ტატო თავისი წონის მთავარი ფავორიტი იქნება მონტენეგროშიც.

ლუკა მაისურაძე (90 კგ.)

ლაშას მსგავსად, მსოფლიო ჩემპიონ ლუკა მაისურაძესაც აქვს ევროპის ჩემპიონატი მოგებული (სოფია 2022) — ის ევროპის ახალგაზრდული ჩემპიონატის ოქროსმედალოსანიცაა, თუმცა ამ შემთხვევაშიც დიდი შანსია, ქართულმა ფინალმა გადაწყვიტოს 90 კილოგრამ წონით კატეგორიაში ჩემპიონის ვინაობა.

გიორგი ჯაბნიაშვილი (90 კგ.)

მას შემდეგ, რაც ორგზის ოლიმპიური ჩემპიონი, ლაშა ბექაური ევროპის ჩემპიონატს ჩაეხსნა, ნიჭიერ ახალგაზრდა ჯუდოკას, წელს თბილისში გამართული გრან პრის ბრინჯაოს მედალოსანს, გიორგი ჯაბნიაშვილს შანსი მიეცა - მისთვის ევროპის ჩემპიონატზე ასპარეზობა დიდი გამოცდილება იქნება.

ილია სულამანიძე (100 კგ.)

პარიზის ოლიმპიური თამაშების ვერცხლის მედალოსანსა და 2024 წლის მსოფლიო ჩემპიონატის ბრინჯაოს მედლის მფლობელს ევროპის ჩემპიონატებზე ორი ვერცხლის მედალი აქვს მოპოვებული (2023 და 2024 წლებში).

გურამ თუშიშვილი (+100 კგ.)

ოლიმპიურ თამაშებზე ტედი რინერთან ცნობილი ინციდენტის შემდეგ დისკვალიფიკაციიდან დაბრუნებულმა გურამ თუშიშვილმა თბილისის გრან პრიზე უკვე დაამტკიცა, რომ მზად არის ასპარეზობისთვის. წინ მას ევროპის ჩემპიონატი ელოდება, რომელიც მსგავსი გამოწვევებისთვის გამორჩეულად კარგი საასპარეზო ტურნირია.

საქართველოს სახელით იასპარეზებენ:

ჯულიეტა როდონაია (48 კგ.); ეთერ ლიპარტელიანი, ნინო ლოლაძე (57 კგ.); ეთერ ასკილაშვილი (63 კგ.); მარიამ ჭანტურია (70 კგ.); სოფიო სომხიშვილი (+78 კგ.).

რაც შეეხება შერეულ გუნდურ პირველობას, ჩვენს ნაკრებს მიხეილ ბახბახაშვილი (73 კგ.), გიორგი ჯაბნიშვილი (90 კგ.) და ირაკლი დემეტრაშვილი (+100 კგ) დაემატებიან.

შარშან ხორვატიის დედაქალაქ ზარგებში გამართულ ევროპის ჩემპიონატზე საქართველომ 8 მედალი მოიპოვა - ინდივიდუალურ ასპარეზობაში 2 ოქრო, 2 ვერცხლი, 3 ბრინჯაო; შერეულ გუნდურ პირველობაში კი ვიცე-ჩემპიონის ტიტულიც მიიღო. მედლების ამ რაოდენობით საქართველომ გუნდურ ჩათვლაში დამაჯერებელი პირველი ადგილიც დაიკავა. დიდია მოლოდინები პოდგორიცაშიც.

აღსანიშნავია ის ფაქტიც, რომ 2026 წლის ევროპის ჩემპიონატი უკვე ოფიციალურად თბილისში გაიმართება, რაც დამატებით მოტივაციას აჩენს, მასპინძლის როლი ჩემპიონებმა მოვირგოთ და ისე გავაგრძელოთ უკეთესი შედეგებისათვის ბრძოლა უკვე ჩვენს დედაქალაქში.

ერთად ვუგულშემატკივროთ ქართველ ჯუდოკებს ევროპის ჩემპიონატზე.