რიდლი სკოტის ახალ ფილმში, სახელად Napoleon, მთავარ როლს ხოაკინ ფენიქსი მოირგებს. ისტორიული დრამა საფრანგეთის ცნობილი იმპერატორის ცხოვრებისა და მოღვაწეობის შესახებ მოგვითხრობს. ფილმის ახალი ტრეილერი უკვე გამოვიდა და როგორც ჩანს, წინ დაძაბული სანახაობა გველის.


როგორც ტრეილერში ვხედავთ, ფილმის სიუჟეტი ნაპოლეონის ცხოვრების, ბრძოლებისა და იმპერატორობისკენ მიმავალი რთული გზის შესახებ გვიყვება. ფილმში მაყურებელი ნაპოლეონისა და ჟოზეფინას სასიყვარულო ურთიერთობასა და პოლიტიკურ ინტრიგებსაც ნახავს. Napoleon ისტორიულ ფაქტებს მიჰყვება და ერთ-ერთ სცენაში იმასაც ვხედავთ, თუ როგორ იდგამს თავზე ნაპოლეონი იმპერატორის გვირგვინს.

უკვე ცნობილია, ხოაკინ ფენიქსის გარდა ვის ვიხილავთ რიდლი სკოტის ახალ ფილმში. დედოფალი ჟოზეფინას როლს მსახიობი ვანესა კირბი შეასრულებს, სხვა პერსონაჟებს კი ლუდივინ საგნიერი, ტაჰარ რაჰიმი და ფილ კორნველი განასახიერებენ. Napoleon-ში მეთიუ ნიდჰემსაც ვიხილავთ, რომელიც House of the Dragon-ში ლარის სტრონგის როლს თამაშობს.

Napoleon-ის პრემიერია 22 ნოემბერს შედგება.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...