მოკლედ: ბაიდენი ვარაუდობს, რომ ღაზის საავადმყოფოს ისრაელის მიერ ნასროლი რაკეტა არ მოხვედრია.

  • ამის შესახებ ისრაელში მყოფმა აშშ-ის პრეზიდენტმა ბენიამინ ნეთანიაჰუსთან ერთად გამართულ პრესკონფერენციაზე განაცხადა.
  • ბაიდენმა, ასევე, აღნიშნა, რომ მომხდარის გამო ძალიან დამწუხრებული და აღშფოთებულია.

ბაიდენის გეგმა: აშშ-ის პრეზიდენტი ისრაელში დღეს, 18 ოქტომბერს ჩავიდა.

  • ღაზის სექტორში მომხდარმა აფეთქებამ, რომელსაც 500-მდე ადამიანი ემსხვერპლა, ბაიდენის წინასწარი გეგმა შეცვალა.
  • ის აღარ გაემგზავრება იორდანიაში, არაბ ლიდერებთან სასაუბროდ;
  • ვითარების შესაბამისად, შეხვდება მხოლოდ ისრაელელ მაღალჩინოსნებს, რის შედეგადაც მისი ვიზიტი რეგიონში დაუბალანსებელი იქნება.

ბაიდენი შეძლებს ისრაელისადმი აშშ-ის მხარდაჭერის დემონსტრირებას, თუმცა მეორე ამოცანა — დიპლომატიური ჩიხის გახსნა მხარეებისთვის, კიდევ უფრო რთული ხდება.