რატომ არის მნიშვნელოვანი: 7 ოქტომბერს, ადგილობრივი დროით 06:30 საათზე, ღაზადან ისრაელის მიმართულებით რამდენიმე სარაკეტო თავდასხმა განხორციელდა.

• ამაზე პასუხისმგებლობა ჰამასმა აიღო. ის აცხადებს, რომ ისრაელის მიმართულებით 5 000 რაკეტა ისროლა.
• ჰამასის სამხედრო მეთაურის თქმით, ეს არის შურისძიება ისრაელის მიერ ალ-აქსას მეჩეთის შეურაცხყოფის გამო.
• სროლების შედეგად საჰაერო განგაში ჩაირთო თელ-ავივსა და სხვა ქალაქებში.
• ისრაელის თავდაცვის ძალებმა ჯარისკაცების მობილიზება დაიწყეს და საომარი მდგომარეობა გამოაცხადეს.
• ისრაელის თავდაცვის მინისტრმა განაცხადა, რომ ჰამასის დაჯგუფებამ ისრაელის წინააღმდეგ ომი წამოიწყო და პირობა დადო, რომ ისრაელი გაიმარჯვებს.

რა ხდება ახლა: საერთაშორისო მედიების ცნობით, ჰამასის წევრები ისრაელის ტერიტორიაზე შევიდნენ.

• ისრაელის სამხრეთ ნაწილში დაპირისპირებები ჯერ კიდევ გრძელდება.
• ადგილობრივი მედიის ცნობით, დაღუპულია, სულ მცირე, 40 ადამიანი. დაშავებულთა რაოდენობა კი 700-ზე მეტია.
• ვრცელდება ინფორმაცია, რომ ჰამასმა დაატყვევა ისრაელის სამხეროები, თუმცა ამასთან დაკავშირებით დაზუსტებული ცნობები ჯერ არ არსებობს.
• ცოტა ხნის წინ, ისრაელის პრემიერმინისტრმა, ბენიამინ ნეთანიაჰუმ სოციალურ ქსელში ვიდეო მიმართვა გაავრცელა.
• "ისრაელის მოქალაქეებო, ჩვენ ომში ვართ და ჩვენ გავიმარჯვებთ", — ამბობს პრემიერმინისტრი.
• ის ისრაელის მოსახლეობას მოუწოდებს დაემორჩილონ თავდაცვის ძალების ბრძანებებს.

გამოხმაურებები: ჰამასის მოულოდნელ თავდასხმას ისრაელზე მსოფლიო ლიდერები გამოეხმაურნენ.

• "ეს არის ტერორიზმი მისი ყველაზე საზიზღარი ფორმით. ისრაელს აქვს უფლება დაიცვას თავი ასეთი საშინელი თავდასხმებისგან", — წერს ტვიტერზე ევროპარლამენტარი, ურსულა ფონ დერ ლაიენი.

• ევროკავშირის უმაღლესმა წარმომადგენელმა საგარეო ურთიერთობებისა და უსაფრთხოების საკითხებში, ჯოზეფ ბორელმა განაცხადა, რომ ევროკავშირი სოლიდარობას უცხადებს ისრაელს.
• "მტკიცედ ვგმობთ ისრაელისა და მისი ხალხის წინააღმდეგ ამ დილით განხორციელებულ თავდასხმებს, ჩემი ფიქრები დაზარალებულებთანაა", — წერს ევროპული საბჭოს პრეზიდენტი, შარლ მიშელი.
• უკრაინის პრეზიდენტი, ვოლოდიმირ ზელენსკი წერს, რომ ისრაელს აქვს თავდაცვის უფლება.
• "ვუსამძიმრებ ყველას, ვინც ტერაქტისას ახლობლები დაკარგა. ჩვენ ვგმობთ ტერორიზმის ყველა ფორმას", — აღნიშნულია ზელენსკიც განცხადებაში.