ორგანიზატორების განცხადებით, ერევანში დაგეგმილი Snoop Dogg-ის კონცერტი გადაიდო. კონცერტი 23 სექტემბერს უნდა ჩატარებულიყო, თუმცა გადადებასთან დაკავშირებით სომხეთის მთავრობამ გადაწყვეტილება ცოტა ხნის წინ მიიღო.

შეგახსენებთ, რომ ბოლო დღეების განმავლობაში სომხეთში არეულობაა. 19 სექტემბერს აზერბაიჯანმა მთიან ყარაბაღი მძიმე არტილერიით დაბომბა. 20 სექტემბერს კი მთიანი ყარაბაღის მმართველები შეიარაღებული ძალების დაშლას დათანხმდნენ და ცეცხლი შეწყდა.

"მწუხარებით გაცნობებთ, რომ სომხეთის მთავრობამ 23 სექტემბერს ერევანში დაგეგმილი Snoop Dogg-ის კონცერტის გადადება გადაწყვიტა. ჩვენ მკაცრად ვგმობთ აზერბაიჯანის მხრიდან 19 სექტემბერს გამოწვეულ ფართომასშტაბიან აგრესიას და სისასტიკეს ჩვენი თანამემამულეების მიმართ. ვუსამძიმრებთ დაღუპულთა ოჯახებს და დაშავებულებს სწრაფად გამოჯანმრთელებას ვუსურვებთ", — ვკითხულობთ Snoop Dogg-ის კონცერტის ორგანიზატორების განცხადებაში.

კონცერტის ორგანიზატორებმა მოუბოდიშეს იმ ადამიანებს, რომლებსაც Snoop Dogg-ის ბილეთები შეძენილი ჰქონდათ და მომღერალთან შეხვედრას მოუთმენლად ელოდნენ. ამ ეტაპზე Snoop Dogg-ის კონცერტის ჩატარების თარიღი არ სახელდება, ორგანიზატორების თქმით კი, ახალი დეტალები მალე გახდება ცნობილი.

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...