ჰოლივუდის ოქროს ხანის უკანასკნელი ცოცხალი ვარსკვლავი, ოლივია დე ჰავილანდი, რომელიც პირველ ივლისს 101 წლის გახდა, FX-სა და რაიან მერფის სერიალისთვის შუღლი სასამართლოში უჩივის.

როგორც მსახიობი ამბობს მისი სახელი და გვარი არასწორად არის გამოყენებული სერიალში და რეჟისორმა, სცენარისტთან ერთად, ფაქტების არასწორი ინტერპრეტაცია მოახდინა.

სერიალი შუღლი ჰოლივუდის ოქროს ხანის, ლეგენდარული მსახიობების ცხოვრებისა და შუღლის შესახებ მოგვითხრობს. ყურადღების ეპიცენტრში კი ბეტ დევისი და ჯოან კროუფორდის უერთიერთობა მოექცა. რეჟისორი და სცენარისტი ჰორორის ჟანრის კლასიკად შერაცხული რა დაემართა ბეიბი ჯეინს? კულისებში გვახედებს და გვიჩვენებს თუ რეალურად რამდენად რთული იყო ერთ-ერთი ყველაზე წარმატებული ამერიკული ფილმის გადაღება მაშინ, როდესაც ორი ლეგენდარული მსახიობი ერთმანეთს, არამხოლოდ ფილმში, არამედ გადასაღებ მოედანზეც ექიშპებოდნენ.

სერიალში ერთ-ერთ მთავარ როლს კეტრინ ზეტა-ჯონსი ასრულებს, სწორედ ის განასახიერებს ოლივია დე ჰავილანდს.

"ყველა სცენა, რომელსაც კეტრინ ზეტა-ჯონსი თამაშობს, როგორც ოლივია დე ჰავილანდი, არის ტყუილი. ინტერვიუები და სცენები მოგონილია და მას საერთო არაფერი აქვს რეალობასთან. ოლივიას ინტერვიუ, რომლითაც სერიალი იწყება, დადგმულია, მსგავსი ინტერვიუ ოლივიას არასდროს მიუცია", ამბობენ ოლივიას პრეს სამსახურში.

რაიან მერფის ადვოკატი, კრეიგ ემანუელი ამ ფაქტზე ჯერ-ჯერობით კომენტარს არ აკეთებს.