რატომ არის მნიშვნელოვანი: 8 სექტემბერს საქართველოს ეროვნული არქივის გვერდით მდებარე შენობაში, სადაც ნიტროფუძიანი კინოფირები ინახებოდა, ხანძარი გაჩნდა.

  • არქივის გენერალური დირექტორის, თეონა იაშვილის თქმით, ყველა ფირი გაციფრულებულია, მათი ასლები კი კინოარქივში ინახება და უვნებელია.

დეტალები: საბჭოთა წარსულის კვლევის ლაბორატორიამ ცოტა ხნის წინ გაავრცელა განცხადება, რომელშიც მოითხოვს შეიქმნას ღია ფორმატის კომისია ხანძრის შედეგების შესასწავლად.

  • "წლების განმავლობაში, არქივებზე წვდომის შეზღუდვების ზრდისა და მკვლევართათვის სისტემატიური ხელის შეშლის ფონზე, ძნელია ნდობით მოვეკიდოთ მტკიცებას, რომ ყველა განადგურებული ფირი გაციფრულებულია", — წერს ორგანიზაცია.
  • მათი თქმით, კომისიამ უნდა უზრუნველყოს ამ კატასტროფაზე როგორც ინდივიდუალური, ისე სიტემური პასუხისმგებლობის დაკისრება.
  • "მომხდარი ტრაგედია კიდევ ერთხელ წარმოაჩენს მეხსიერებისადმი სახელმწიფოს ზერელე, ხშირად კი დესტრუქციულ მიდგომას", — აღნიშნულია სოვლაბის განცხადებაში.