რატომ არის მნიშვნელოვანი: შსს-ის ცნობით, ქობულეთში არსებული ფსიქიკური ჯანმრთელობისა და ნარკომანიის პრევენციის ცენტრის თანამშრომელი სამსახურებრივ მდგომარეობას დანაშაულებრივი საქმიანობისთვის იყენებდა.

  • კერძოდ, რეალიზაციის მიზნით ცენტრიდან მართლსაწინააღმდეგოდ ეუფლებოდა 860 ბენეფიციარისთვის განკუთვნილ ნარკოტიკს, რომელსაც კიდევ ერთ ბრალდებულზე უკანონოდ ასაღებდა.
  • დანაშაულები 20 წლამდე ან უვადო პატიმრობას ითვალისწინებს.

დეტალები: სამართალდამცავი უწყების ინფორმაციით, ბრალდებულების პირადი და სამუშაო ადგილის ჩხრეკისას ნივთმტკიცებად ამოიღეს 22 ცალი 10 მილიგრამიანი შპრიცი, რომლებშიც მეტადონი იყო მოთავსებული, საცხოვრებელი სახლიდან ამოღებულია 2,5 ლიტრი მეტადონის ხსნარიც.

  • ამ დროისთვის ფსიქიკური ჯანმრთელობისა და ნარკომანიის პრევენციის ცენტრი დალუქულია.
  • სამსახურებრივი მდგომარეობის გამოყენებით განსაკუთრებით დიდი ოდენობით ნარკოტიკული საშუალების უკანონო შენახვის, დიდი ოდენობით ნარკოტიკის გასაღებისა და ნარკოტიკის უკანონო შეძენა-შენახვის ფაქტებზე გამოძიება სსკ-ის 260-ე მუხლის პირველი, მე-3, მე-5 და მე-6 ნაწილებით მიმდინარეობს.