რატომ არის მნიშვნელოვანი: პარლამენტის თავმჯდომარის განცხადებით, საკანონმდებლო ორგანოში "უსაფრთხოების დაცვის" ახალი წესი დამტკიცდა, რომელიც 18 სექტემბრიდან ამოქმედდება.

  • შალვა პაპუაშვილის თქმით, ახალი წესი ადგენს პარლამენტის საშვისა და სასახლეში შესვლის პირობებს, სხდომათა დარბაზის სივრცეებს, ვიზიტორთა ქცევის წესსა და მისი დარღვევის შედეგებს, მოსალოდნელი საფრთხის მიხედვით უსაფრთხოების სხვადასხვა დონეს.

დეტალები: პარლამენტის შენობაში შესვლის ახალ წესში მითითებულია, რომ ვიზიტორებს სადემონსტრაციოდ განკუთვნილი ნივთების შეტანა აეკრძალებათ.

  • "დაუშვებელია პარლამენტის სასახლეში, პარლამენტის აპარატის ნებართვის გარეშე, სადემონსტრაციოდ განკუთვნილი ნივთების, მათ შორის, ბანერებისა და პოსტერების, ასევე, ხმის გამაძლიერებელი და ხმოვანი სიგნალის მოწყობილობების შეტანა".
  • ვიზიტორები ვალდებულები არიან, დაემორჩილონ სახელმწიფო დაცვის სპეციალური სამსახურის თანამშრომლისა და პარლამენტის მანდატურის მითითებებს.
  • ბრძანების თანახმად, ვიზიტორია ყველა პირი, რომელიც არ არის პარლამენტის წევრი ან პარლამენტის აპარატის თანამშრომელი.