მომღერალ მაილი საირუსს თავისი კარიერის ყველაზე წარმატებულ წელს უწინასწარმეტყველებენ! წლის დასაწყისში მუსიკოსმა ყოფილ პარტნიორთან ურთიერთობაზე დაწერილი სიმღერა Flowers გამოუშვა, რომელიც ნამდვილ ჰიტად იქცა და სპოტიფაიზე ყველაზე სწრაფად მოაგროვა 1 მილიარდი სტრიმი.

საირუსმა ცოტა ხნის წინ ახალი სიმღერა Used to be Young გამოუშვა, რომელმაც ასევე დიდი გამოხმაურება გამოიწვია, მან სატელევიზიო პროგრამის Endless Summer Vacation გამოსვლაც დააანონსა. მაილის თქმით, პროგრამა მისი ცხოვრების სხვადასხვა პერიოდთან დაკავშირებულ ინტერვიუებს გააერთიანებს.

პროგრამის სრულად გამოსვლამდე მომღერალი სოციალურ ქსელში პატარ-პატარა ვიდეოებს ავრცელებს, ერთ-ერთში კი, ის დისნეის პოპულარულ შოუში ჰანა მონტანას როლს იხსენებს. დაახლოებით, 12-13 წლის ასაკში მაილი დისნეის ნამდვილ ვარსკვლავად იქცა და ვიდეოში ამ პერიოდიდან მისი ერთი დღის განრიგზე ჰყვება.

საირუსის დღე დილის 6-ის ნახევარზე იწყებოდა და დღის განმავლობაში დაახლოებით 8 ინტერვიუს აძლევდა, მომღერლობისა და მსახიობობის გარდა, ის სატელევიზიო გადაცემებსა და ფოტოგადაღებებშიც იღებდა მონაწილეობას. ის ამ გრაფიკით 4-5 წლის განმავლობაში ცხოვრობდა.

"მე ბევრი რამე ვარ, მაგრამ ზარმაცი ერთ-ერთი მათგანი ნამდვილად არაა. ვფიქრობ, რომ ამ გოგომ დაუსრულებელი საზაფხულო არდადეგები (ესაა მისი პროგრამის სახელიც) ნამდვილად დაიმსახურა", — აღნიშნავს მაილი.

ნახეთ ასევე: