ლუის რუბიალესი, ესპანეთის ფეხბურთის ფედერაციის პრეზიდენტი, შესაძლოა გადადგეს. ქალების მსოფლიო ჩემპიონატის ფინალზე, ესპანეთის ქალთა ნაკრების გამარჯვების შემდეგ მან ფეხბურთელ ჯენიფერ ერმოსოს აკოცა. ამ საქმეს FIFA-ს დისციპლინური კომიტეტი განიხილავს.

ესპანეთის სამეფო ფეხბურთის ფედერაციამ შეხვედრაც გამართა, რათა რუბიალესის მომავალი და მისი პოტენციური შემცვლელის ვინაობა განეხილათ. ფედერაციის პრეზიდენტმა ინტერნეტში გავრცელებული ვიდეოს საშუალებით ბოდიში მოიხადა, თუმცა გულშემატკივართა ნაწილმა და ასევე, ესპანეთის პრემიერმინისტრმა, პედრო სანჩესმა, ეს არასაკმარისად ჩათვალა.

ფეხბურთელ ჯენიფერ ერმესოს ინტერესებს მსოფლიო მოთამაშეთა კავშირი წარმოადგენს. ერმესომ ფიფას მსგავსი ქცევის დაგმობისკენ მოუწოდა და თქვა, რომ ეს "ქალის ღირსებას ლახავს". მოთამაშეთა კავშირმა ესპანეთის ფეხბურთის ასოციაციას შესაბამისი ზომების მიღებისკენ მოუწოდა.

ასოციაციამ "ქალები ფეხბურთში" ფიფას რეაგირებამოიწონა და თქვა, რომ მსგავს სიტუაციებში რეაგირება აუცილებელია.

"ჩვენმა 2023 წელს ჩატარებულმა გამოკითხვამ დაადგინა, რომ ფეხბურთელი ქალების 18% განიცდის სექსუალურ შევიწროებას სამსახურში. არასასურველი ფიზიკური კონტაქტი ნებისმიერ შემთხვევაში მიუღებელია. მამაკაცებსა და მათ დამსაქმებლებს ამ პრობლემის გადაჭრა ევალებათ, წინააღმდეგ შემთხვევაში სიტუაცია მხოლოდ გაუარესდება", — განაცხადეს მათ.