ზელენსკი: დღეს უკრაინის დამოუკიდებლობის 32-ე წლისთავს აღვნიშნავთ, თავისუფალი ხალხის დღესასწაულს

24 Aug. 2023, 11:40

დღეს ჩვენ აღვნიშნავთ თავისუფალი ხალხის დღესასწაულს. ძლიერი ადამიანების დღესასწაულს. ღირსთა დღესასწაულს. თანასწორთა დღესასწაულს. უკრაინელების დღესასწაულს. ჩვენს სახელმწიფოში ყველას დღესასწაულს. ჩვენი დამოუკიდებლობის, უკრაინის დამოუკიდებლობის 32-ე წლისთავს.

ეს თითოეული ჩვენგანის ღირებულებაა და ჩვენ ვიბრძვით ამისთვის. და ამ ბრძოლაში ყველა მნიშვნელოვანია, რადგან ეს ბრძოლა არის იმისთვის, რაც ყველასთვის მნიშვნელოვანია — ეს დამოუკიდებელი უკრაინაა. [...]

მადლობა ყველას, ვინც ელოდება ნათესავებს ფრონტიდან, ყველას, ვინც ყოველდღიურად ლოცულობს მათთვის, ვინც ურეკავს ან წერს ასე მნიშვნელოვან სიტყვებს — "როგორ ხარ?". რომ მოისმინოს ასეთი მნიშვნელოვანი — "ყველაფერი კარგადაა!". ასეთი ღირებული — "მე შენ მიყვარხარ", "ჩვენმა შვილმა გუშინ პირველი ნაბიჯი გადადგა", "ქალიშვილმა დღეს თქვა: მამა". [...]

როცა ვამაყობთ, რომ ჩავძირეთ მტრის ფლოტის ფლაგმანი კრეისერი მოსკვა, როცა ყირიმის ხიდზე დარტყმა გვიხარია, მაშინ მადლობას ვუხდით მათ, ვისზეც ახლაც ვერ იტყვით, სახელებს ვერ დავასახელებთ. მაგრამ მათზე დაიწერება წიგნები მომავალში. აუცილებლად გადაიღებენ ფილმს მათ შესახებ, ვისაც ვაჯილდოებ დახურული განკარგულებებით და ვინც ახორციელებს ყველაზე რთულ ოპერაციებს. გმადლობთ! ყველანი მნიშვნელოვანი ხართ!

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

გამოქვაბულებში ჩხრიალა გველის ულამაზესი სახეობა აღმოაჩინეს