პრეზიდენტმა რაჭაში სტიქიის მეორე დღეს ბრიფინგი გამართა და ის მაშველებს ასეთ რთულ ვითარებაში მუშობისთვის მადლობა გადაუხადა.

• სალომე ზურაბიშვილმა სოლიდარობა გამოუცხადა ხელისუფლებას, ასევე, ყველა იმ უწყებას, რომელიც სამაშველო ღონისძიებებშია ჩართული.
• "დღეს არის დრო ერთიანობის და ერთად ამ ტრაგედიის გადალახვის".
• მისივე თქმით, როგორც თავად, ადმინისტრაციასთან ერთად, ჩაერთვება ყველა ღონისძიებაში, სადაც ეს საჭირო იქნება.
• პრეზიდენტმა, ასევე, მადლობა გადაუხადა ყველა იმ პარტნიორ ქვეყანას, რომელმაც სოლიდარობა გამოუცხადა საქართველოს.

გამოეხმაურა ღარიბაშვილს იმის შესახებ, რომ მეზობელ ქვეყნებს დახმარება არ სთხოვეს, რადგან საჭიროება ვერ დაინახეს.

• ასევე, გამოთქვა მზაობა, რომ თუ საჭირო გახდა მისი როლი სხვადასხვა ქვეყნის ლიდერთან დასაკავშირებლად, ამაშიც მიიღოს მონაწილეობა.
• "ამ ძალიან დიდი ტრაგედიის წინაშე ვართ ერთად და ვიქნებით ერთად".

მეწყერი შოვში გუშინ, 3 აგვისტოს ჩამოწვა. სასტუმრო სანსეტი შოვში მცხოვრები მოქალაქეები ადგილიდან ვიდეოებს ავრცელებდნენ და მედიასთან იქ არსებულ ვითარებაზე ჰყვებოდნენ.

• ამბობდნენ, რომ ყველა მხრიდან არიან შემოსაზღვრული, გასასვლელი არ არის და სამაშველო ვერტმფრენის არმისვლის შემთხვევაში მოსალოდნელ საფრთხეზე საუბრობდნენ.
• უცნობი იყო იმ სხვა პირების ბედი, რომლებიც ასევე იმყოფებოდნენ სტიქიის ადგილას.
• ვერტმფრენი ამ შეტყობინებებიდან დაახლოებით 3 საათში გამოჩნდა. ამის შესახებ შსს-მა განცხადება გამოაქვეყნა.
• მიუხედავად ამისა, გამოცემა მთის ამბებს 20 წუთის შემდეგ სწერდნენ, რომ მათთან დასახმარებლად ჯერ კიდევ არავინ იყო მისული.
• მოგვიანებით, მოქალაქეების ევაკუაცია დაიწყო და მალევე გავრცელდა ინფორმაცია, რომ ადგილზე ორი ადამიანის ცხედარი აღმოაჩინეს.
• ადგილზე სამაშველო ოპერაცია ვერტმფრენებით დაბნელებისთანავე შეწყდა და მაშველები ისე აგრძელებდნენ სამძებრო სამუშაოებს.
• გუშინდელი ოფიციალური ცნობების თანახმად, კონტაქტზე არ გამოდიოდა 50 ადამიანი, რის შემდეგაც ინფრასტრუქტურის მინისტრმა, ირაკლი ქარსელაძემ თქვა, რომ 6 მათგანთან დაკავშირება მოხერხდა და ისინი უსაფრთხო ადგილას გადაიყვანეს.

რას ამბობენ ვერტმფრენებზე: გუშინ ღამით, საგანგებო სიტუაციების მართვის სამსახურის უფროსმა თემურ მღებრიშვილმა თქვა, რომ ინფორმაცია სტიქიის შესახებ 15 საათსა და 10 წუთზე მიიღეს, რის შემდეგაც "დაუყოვნებვლივ დაიგეგმა ვერტფრენების ჩართულობა".

• "მოგეხსენებათ, რომ ამას სჭირდება გარკვეული პერიოდი, გარდა ამისა, ამინდმაც შეგვიშალა გარკვეულწილად ხელი".
• როგორც მან განაცხადა, ასეთ რთულ ხეობაში, "რაც არ უნდა აღჭურვილი იყოს ვერტმფრენი, ძალიან გაჭირდებოდა" მუშობა.
• "იმაზე მეტ საქმეს, რასც ახლა ადგილზე მყოფი მეხანძრე-მაშველები აკეთებენ, ვერტმფრენი ვერ გააკეთებს, კიდევ და კიდევ, გამომდინარე რთული რელიეფიდან".
• ვერტმფენების თემაზე ჰკითხეს ინფრასტრუქტურის მინისტრსაც. მან მედიას მოუწოდა, "ნუ შეეცდებიან რაღაც მიზეზების მოძებნას, როდესაც კეთდება აბსოლუტურად მაქსიმალური ძალისხმევა".
• როგორც მან თქვა, ვერტმფრენს აქვს შესაბამისი სამობილიზიაო პერიოდი და შეტყობინების შემოსვლიდან უმოკლეს ვადაში პირველი ვერტმფრენი ადგილზე იყო.
• "შეტყობინების შემოსვლიდან მყისიერად მოხდა რეაგირება, 2 წუთიან ინტერვალზე არის საუბარი, როდესაც ადგილობრივი სამაშველო ჯგუფი უკვე იმყოფებოდა სტიქიის ზონაში. გარდა ამისა, 400 მაშველი არის ჩართული ამ ოპერაციაში. შესაბამისად, საუბარი იმაზე, რომ თითქოს რაღაცამ დაიგვიანა, ზედმეტია", — ამბობს ის.
• ვერტმფრენებზე საუბარი სტიქიის ზონაში მეორე დღეს გამოჩენილ ღარიბაშვილსაც მოუწია. პასუხად პრემიერმა ჟურნალისტები გალანძღა და შეურაცხმყოფლად მოიხსენია.

უკვე დღეს დილის 06:00 საათიდან სამაშველო ღონისძიებები კვლავ 2 ვერტმფრენით განახლდა.

• ამასთან, მათივე ცნობით, სამაშველო სამუშოებში ჩართულია საგანგებო სიტუაციების მართვის სამსახურის კინოლოგთა ჯგუფი, რომლებიც სპეციალურად გაწვრთნილი ძაღლებით მუშაობენ სტიქიის ზონაში.
• უწყებაში თქვეს, რომ სტიქიის ზონიდან ამ დრომდე უსაფრთხო ადგილას გადაყვანილია 140 ადამიანი.
• ცოტა ხნის წინ რაჭა-ლეჩხუმის რწმუნებულმა მედიასთან განაცხადა, რომ ჯამში მათი რიცხვი 210-ია.
• ამ ეტაპზე ოფიციციალურად 7 ადამიანის ცხედრის პოვნაა დადასტურებული. დაკარგულად ითვლება ათეულობით მოქალაქე.

ღარიბაშვილი სტიქიის ადგილას მხოლოდ დღეს გამოჩნდა. ის გუშინ შექმნილ საგანგებო შტაბში შევიდა და შეხვედრა გამართა ისე, რომ არც შესვლამდე და არც გამოსვლისას მედიასთან არ უსაუბრია.

• მთავრობის ადმინისტრაციის ფეისბუქგვერდზე, რომელიც გუშინდელი მოვლენების ფონზე 20 საათი არაფერს წერდა, პრემიერის რაჭაში ჩასვლის ფოტო-ვიდეო მასალა გამოჩნდა.
• მისი თქმით, დღეს სამძებრო-სამუშოებში ჯარიც ჩაერთვება. ასევე, განაცხადა, რომ ორშაბათი გლოვის დღედ გამოცხადდება.