ცნობილი ირლანდიელი მომღერალი შინეიდ ო'კონორი 56 წლის ასაკში გარდაიცვალა. დუბლინელმა მუსიკოსმა კარიერა 1980-იანი წლების მეორე ნახევარში სადებიუტო ალბომით დაიწყო და წლების განმავლობაში თავი მილიონობით ადამიანს დაამახსოვრა.

ამ სტატიაში მისი ცხოვრების სხვადასხვა ეტაპიდან მნიშვნელოვან ფოტოებს გთავაზობთ:

ო'კონორი დუბლინის ოლიმპიური სამეჯლისო დარბაზის სცენაზე, 1988 წლის 4 მარტი

ფოტო: Getty Images

მომღერლის მეორე ალბომი I Do Not Want What I Haven't Got პირველზე არანაკლებ წარმატებული გამოდგა. ალბომის ერთ-ერთი სინგლი, პრინსის დაწერილი Nothing Compares 2 U მოგვიანებით ნამდვილ ჰიტად იქცა და ბილბორდის მუსიკალურ დაჯილდოებაზე წლის #1 მსოფლიო სინგლადაც დასახელდა. ამასთან, ო'კონორი მხოლოდ მომღერლობას არ სჯერდებოდა და მსახიობობასა და მოდელობასაც ითავსებდა.

Nothing Compares 2 U გადის დუბლინის კოლეჯ გრინში, სანამ ხალხი აშშ-ს პრეზიდენტ ობამას ჩამოსვლას ელოდება, 2011 წლის 23 მაისი

ფოტო: Kevin Lamarque/Reuters

შინეიდი 1999 წელს

ფოტო: Shutterstock

ო'კონორი ფილმ ქარიშხლიან უღელტეხილში, 1992 წელი

ფოტო: Everett Collection Inc/Alamy

მუსიკალური კარიერის პარალელურად, მომღერალი აქტივისტურ საქმიანობაშიც იყო ჩართული, რის გამოც ის, თავდაპირველი წარმატების მიუხედავად, ადამიანებმა მალევე შეიძულეს. ეს დამოკიდებულება ო'კონორის სკანდალურ გამოსვლას მოჰყვა, როდესაც შინეიდმა Saturday Night Live-ის დროს იმდროინდელი პაპის ფოტო დახია და ის კათოლიკურ ეკლესიაში ბავშვებზე სექსუალური ძალადობის ფაქტების დაფარვაში დაადანაშაულა. ცხრა წლის შემდეგ დანაშაული პაპმა თავადაც აღიარა.

ო'კონორი ხევს რომის პაპ იოანე პავლე II-ის სურათს სატელევიზიო შოუ Saturday Night Live-ში, 1992 წლის 3 ოქტომბერი

ფოტო: Yvonne Hemsey/Getty Images

ო’კონორის გამოსახულება დუბლინის Hard Rock Cafe-ს კედელზე წარწერით: "შინეიდ, მთელი ამ ხნის განმავლობაში მართალი იყავი, ჩვენ ვცდებოდით, ძალიან ვწუხვართ"

ფოტო: Niall Carson/PA

შინეიდი შვილ როიზინთან ერთად ანტირასისტულ დემონსტრაციაზე დუბლინში, 2000 წლის 13 მაისი

ფოტო: Reuters

მომღერალი საფრანგეთში, სადაც ლათინურ ეკლესიაში მღვდლად ეკურთხა და ახალი სახელი, დედა ბერნადეტა მერი ო’კონორი მიიღო

ფოტო: Michael Crabtree/PA

კარიერული წარმატების მიუხედავად, ო'კონორს რთული პირადი ცხოვრება ჰქონდა. მომღერალი იხსენებდა, რომ ბავშვობაში, მისი მშობლების დაშორების შემდეგ, დედა მასზე ფიზიკურად ძალადობდა. მუსიკოსი ღიად საუბრობდა მენტალურ ჯანმრთელობასთან დაკავშირებულ პრობლემებსა და სუიციდურ ფიქრებზე. გასული წლის დასაწყისში ო'კონორს 17 წლის შვილი დაეღუპა, რის შემდეგაც იგი საავადმყოფოში მოხვდა.

ო’კონორი შვილთან ერთად დუბლინის ელექტროპიკნიკის ფესტივალზე, 2011 წელი

ფოტო: WENN Rights Ltd/Alamy

შინეიდი სახლში, 2010 წელი

ფოტო: Martin Godwin

სიცოცხლის ბოლო წლებში ო'კონორმა ისლამი მიიღო და მისი რწმენის შესახებ საჯაროდ ხშირად საუბრობდა. მიუხედავად სირთულეებისა, მუსიკოსმა სულ ცოტა ხნის წინ თავის გულშემატკივარს აცნობა, რომ 23 წლის შემდეგ ლონდონში საცხოვრებლად დაბრუნდა და ალბომზე მუშაობას ასრულებდა. ახალი ალბომის გამოშვებასთან ერთად, 2024 წლიდან ო'კონორი მსოფლიო ტურნეს დაწყებასაც გეგმავდა. სამწუხაროდ, მომღერალი გეგმების განხორციელებამდე გარდაიცვალა, თუმცა მუსიკის ინდუსტრიაზე წარუშლელი კვალი დატოვა.

ო'კონორი კანადის Vogue Theatre-ში შესრულებისას, 2020 წლის 1 თებერვალი

ფოტო: Andrew Chin/Getty Images

ამავე თემაზე: