"ჩვენ გვაქვს ცოდნა და გამოცდილება, როგორ მოვაგვაროთ თბილისის, მცხეთისა და რუსთავის წყალმომარაგების სისტემაში არსებული პრობლემები. დავნერგოთ ახალი ტექნოლოგიები, გადავამზადოთ კადრები, განვავითაროთ და შევქმნათ ხარისხის მონიტორინგის სისტემა და გავმართოთ კომპანიის ტექნიკური აღჭურვილობა. ესპანელი და ქართველი მენეჯერებისა და ტექნიკოსების სინერგიით ჩვენ მოკლე დროში საუკეთესო შედეგებს მივაღწევთ წყალმომრაგების და წყალარინების სერვისის გასაუმჯობესებლად და მომხმარებლის კმაყოფილების მისაღწევად.

აღსანიშნავია, რომ აქტიური ფაზის დაწყებამდე არსებული ინფორმაცია, არ იყო საკმარისი, შესაბამისად მნიშვნელოვანი დრო დავუთმეთ სისტემის დეტალურ ანალიზს. ამჯერად ჩვენი კომპეტენცია, გამოცდილება და ყველა საჭირო რესურსი ჯივიპის და მისი სერვისის განვითარებისკენ იქნება მიმართული", — განაცხადა ხოსე მიგელ სანტოს გონსალესმა, GGU ჯგუფის გენერალურმა დირექტორმა.

ჯორჯიან უოთერ ენდ ფაუერის ახალმა მმართველმა კომპანია აქუალიამ, პირველი შეხვედრის ფარგლებში მედიას საქართველოში ყველაზე მსხვილი ინვესტორის, საქმიანობა და სამომავლო გეგმები გააცნო.

Aqualia-მ საქართველოში gwp-ს შესაძენად 180 მლნ დოლარის ინვესტიცია განახორციელა. ახალი ინვესტორის მიერ სისტემის სრულფასოვანი კვლევისა და ანალიზის ეტაპი დასრულებულია და უახლოეს მომავალში კომპანიის სამოქმედო გეგმა საზოგადოებისთვის ცნობილი გახდება.