USAID სხვადასხვა პროგრამისა და აქტივობის გზით, მხარს უჭერს ქვეყნის მომავალი პოლიტიკური ლიდერების აქტიურობას და მათ მონაწილეობას საჯარო ცხოვრებაში; ხელს უწყობს ახალგაზრდებს პოლიტიკური აქტიურობისათვის საჭირო ისეთი უნარ-ჩვევები შეიძინონ, როგორებიცაა ლიდერობა და კომუნიკაცია.

29 წლის მარიამ ლომიძე ხაშურიდან, განათლებით ეკონომისტია, ის USAID-ის ინიციატივითა თუ დახმარებით განხორციელებულ არაერთ პროექტში ყოფილა ჩართული.

"USAID უამრავი პროექტის ფინანსური მხარდამჭერი და ახალი იდეების ინიციატორია, რომლებშიც მე მიმიღია მონაწილეობა. USAID-თან პარტნიორობამ უდიდესი წვლილი შეიტანა ჩემს პიროვნულ განვითარებაში; მომცა მეტი შესაძლებლობა ვიყო საზოგადოების აქტიური და წარმატებული წევრი".

ფოტო: USAID

"ჩემთვის ნამდვილი მეგობრობა ნდობას, მხარდაჭერას, ურთიერთგაგებას გულისხმობს. ნამდვილი მეგობრობა აძლიერებს ადამიანებს, USAID-თან თანამშრომლობამ საშუალება მომცა, რომ მეც გავაძლიერო სხვები; პროექტის დამხარებით ჩემი მოსაზრებები სხვადასხვა საკითხთან დაკავშირებით გამყარდა ცოდნით, რომელიც შემიძლია სხვებსაც გავუზიარო და წვლილი შევიტანო უკეთესი და თანასწორი გარემოს შექმნაში", — ამბობს მარიამი.