მსახიობი ტომ კრუზის თქმით, კარიერის დასრულებას ჯერჯერობით არ გეგმავს. შეუსრულებელი მისიის ფილმების ვარსკვლავი და პროდიუსერი თავს ინდიანა ჯონსის ლეგენდას ჰარისონ ფორდს ადარებს და აცხადებს, რომ უნდა, შეუსრულებელი მისიის პერსონაჟის, ითან ჰანტის როლი კიდევ 20 წლის განმავლობაში მაინც შეასრულოს.

ჰარისონ ფორდი ინდიანა ჯონსის ფილმებში 1984 წლიდან თამაშობს, ბოლოს კი ეს როლი 80 წლის ასაკში, 2023 წელს მოირგო. მართალია, ფორდმა განაცხადა, რომ ეს მისი ბოლო ინდიანა ჯონსის ფილმი იყო, თუმცა პენსიაზე გასვლას არ აპირებს. ტომ კრუზი ამჟამად 60 წლისაა და შეუსრულებელი მისიაში თამაშს აგრძელებს, ის ითან ჰანტის როლს 1994 წლიდან ასრულებს.

"ჰარისონ ფორდი ლეგენდაა. იმედი მაქვს, რომ მომავალში მის ასაკშიც გავაგრძელებ შეუსრულებელ მისიაში თამაშს. კიდევ 20 წელი მაინც დამჭირდება, რომ ფორდს დავეწიო", — აღნიშნავს კრუზი.

მომავლის გეგმებზე ლეგენდარულმა რეჟისორებმა, მარტინ სკორსეზემ და კვენტინ ტარანტინომაც ისაუბრეს. სკორსეზე ამბობს, რომ ჯერ კიდევ ბევრი მოსაყოლი ისტორია დარჩა, ხოლო ტარანტინო ამჟამად თავის ბოლო მხატვრულ ფილმზე მუშაობს.

"წასვლის დროა. მომწონს ის იდეა, რომ მწვერვალზე ყოფნისას მივდივარ — 30 წლის განმავლობაში ამ საქმეში ყველაფერი ჩავდე, შემდეგ კი ვთქვი, საკმარისია", — ამბობს ტარანტინო.

იხილეთ ასევე:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...