თანამედროვე მომხმარებელი სულ უფრო მეტ მნიშვნელობას ანიჭებს ციფრულ ხელსაწყოებს და მისთვის უპირატესი მაქსიმალურად კომფორტული თუ სწრაფი სერვისები და პროდუქტების ელვის სისწრაფით მიღებაა. ამასთან, ონლაინ სივრცეში თავდაცვის უზრუნველსაყოფად, განსაკუთრებით მნიშვნელოვანი მონაცემების დაცვა და პრივატულობის შენარჩუნებაა.

თანამედროვე სამყაროს ერთ-ერთი განუყოფელი ნაწილი კრიპტოვალუტაა, რომელიც მზარდი პოპულარობით სარგებლობს და სულ უფრო მეტი ადამიანი ანიჭებს უპირატესობას, რადგან დეცენტრალიზებულია, უსაფრთხოა და საერთაშორისო ტრანზაქციებზე მარტივ ხელმისაწვდომობას გულისხმობს. თანაც, მონაცემების დაცულობა კრიპტოვალუტის ერთ-ერთი მთავარი უპირატესობაა.

ფინანსური სერვისების კომპანია Cryptal ცდილობს, რომ კრიპტოვალუტა უნივერსალურად ხელმისაწვდომი გახადოს და ამისთვის მომხმარებლებს მუდმივად სთავაზობს განახლებებს.

ამჯერად, კრიპტალმა მობილური აპლიკაცია შექმნა, რომლის პირველადი ვერსია უკვე ხელმისაწვდომია და მომხმარებლებს ყველა აუცილებელი ფუნქციით სარგებლობის შესაძლებლობას აძლევს.

"უკვე დიდი ხანია, რაც აქტიურად ვმუშაობთ აპლიკაციაზე — რაც გლობალურმა ტენდენციებმა და ჩვენი მომხმარებლების საჭიროებებმა განაპირობა. კრიპტო ინდუსტრია ერთ-ერთი ყველაზე სწრაფად ცვალებადი და დინამიკურია, ამიტომ მომხმარებლებს შევთავაზეთ შესაძლებლობა, რომ მუდმივად ხელი ეჭიროთ კრიპტოვალუტის კურსზე", — გვეუბნებიან კრიპტალში.

ამ დროისთვის, აპლიკაციის პირველადი ვერსიით სარგებლობა შეგიძლიათ, რაც მოიცავს:

• თანხის ანგარიშზე შეტანას;
• კრიპტოვალუტაში კონვერტაციას;
• სხვადასხვა საფულეზე გადარიცხვას;
• თანხის გატანას.

კრიპტალში ამბობენ, რომ აპლიკაციის პირველადი ვერსიის გაშვების მიზანი ის იყო, რომ მომხმარებლებისგან უკუკავშირი მიეღოთ, მათი საჭიროებებისა და სურვილების შესახებ მეტი გაეგოთ და შესაბამისად დაეგეგმათ განახლებები.

"გვინდა, მომხმარებლისგან მაქსიმალური უკუკავშირი მივიღოთ, რათა შესაბამისად დავხვეწოთ ფუნქციონალი და გავავითაროთ ის ხელსაწყოები, რომლებიც ყველაზე მეტად სჭირდებათ კრიპტო ენთუზიასტებს. ამასთან, დავაკვირდეთ მომხმარებლის ქცევას და სხვადასხვა ფუნქცია დავამატოთ", — აღნიშნავენ კრიპტალში.

აპლიკაციის გამოყენება მარტივია, პლატფორმა მეგობრულია და მომხმარებლის გამოცდილების გაუმჯობესებისკენ არის მიმართული. კრიპტალში აღნიშნავენ, რომ აპლიკაციის შექმნას კვლევა უძღოდა წინ და გაითვალისწინეს მომხმარებლის ქცევა — ერთ-ერთ მთავარ პრიორიტეტად მოქნილობა, სიმარტივე იქცა.

კრიპტალმა საკუთარი მიზნის შესასრულებლად, რაც კრიპტოვალუტის უნივერსალურ ხელმისაწვდომობას გულისხმობს, სიახლეები მომხმარებლებს აქამდეც გაუზიარა — მაგალითად, კრიპტოვალუტის ფეიბოქსით შეძენა მთელი ქვეყნის მასშტაბით ხელმისაწვდომი გახადეს, რაც, როგორც კომპანიაში აღნიშნავენ, მომხმარებლის ერთ-ერთი მთავარი მოთხოვნა იყო.

"ჩვენთვის მნიშვნელოვანია კრიპტოვალუტის მარტივად შეძენის, ათვისებისა და მოხმარების ხელმისაწვდომობა, ასევე მეტი ინფორმაციისა და ცოდნის გავრცელება აღნიშნულ აქტივზე. აპლიკაციის შექმნაც ამ მიზნისკენ გადადგმული ნაბიჯი იყო. სამომავლოდ ბევრ სიახლეს — არსებული პროდუქტების დახვეწასა და გაუმჯობესებას, ახალი პროდუქტების შექმნას თუ პარტნიორობებს ვგეგმავთ. გვჯერა, ყველაფერი წინაა და ვიმედოვნებთ, რომ ამ მომავლის ტალღას, რასაც კრიპტოინდუსტრია ქმნის, მაქსიმალურად ბევრი ადამიანი შემოუერთდება", — ამბობენ კრიპტალში.

თუ კრიპტო ენთუზიასტი ხარ ან ახლახან დაინტერესდი, გადმოწერე კრიპტალის აპლიკაცია (iOS; Android) და გადაერთე მომავლის ფულზე.