ცოტა ხნის წინ ჯანმრთელობის გაუარესების გამო მადონა საავადმყოფოში გადაიყვანეს. როგორც მომღერლის მენეჯერმა განაცხადა, მადონას ჯანმრთელობის გაუარესების მიზეზი ბაქტერიული ინფექციაა.

მადონას მსოფლიო ტურნე ჰქონდა დაგეგმილი, რომელიც 15 ივლისს კანადის ქალაქ ვანკუვერში უნდა დაწყებულიყო. ახლახან გავრცელებული ინფორმაციით კი, ტურნე განუსაზღვრელი დროით გადაიდო. როგორც მომღერლის მენეჯერი აცხადებს, მადონა ექიმების მეთვალყურეობის ქვეშაა და მის სრულ გამოჯანმრთელებას ელოდებიან.

შეგახსენებთ, რომ 2019-2020 წლებში მადონას კიდევ ერთი მსოფლიო ტურნეს გადადება მოუწია, რადგან მომღერალმა მუხლისა და ბარძაყის ტრავმები მიიღო. ახლანდელი ტურნე კი 30 იანვარს მეხიკოში უნდა დასრულებულიყო, რაც სავარაუდოდ, შეიცვლება.

ჯანმრთელობის გაუარესებამდე მადონა მსოფლიო ტურნესთვის აქტიურად ემზადებოდა და რეპეტიციებს ყოველდღე ესწრებოდა. მომღერალი ამ დრომდე ინტენსიური თერაპიის განყოფილებაში რჩება.