ჩემი ცოლის დაქალები ტელეეკრანებზე სულ რამდენიმე დღეში ბრუნდება. პოპულარული ქართული სერიალის ახალი, მე-19 სეზონის პრემიერა ფორმულას ეთერში 7 ივლისს შედგება.

მანამდე კი, სერიალის გუნდი მაყურებელს ახალი სეზონიდან პატარ-პატარა ვიდეოებს სთავაზობს. აქამდე გავრცელებული თიზერებით გავიგეთ, რომ ახალ სეზონში შაგუს ხაზი კვლავ აქტუალურია, ასევე გოცირიძეები ახალი ბინიდან დაგვიბრუნდებიან და ახალ მეზობლებსაც გაგვაცნობენ.

ამჯერად, ჩცდ-ის ახალი სეზონის კიდევ ერთი თიზერი გავრცელდა, რომელშიც ციხეში მყოფ ელვირ სვინტრაძეს ვხედავთ, რომელიც გათავისუფლების გზას ეძებს და მის სანახავად მისულ ადამიანს არწმუნებს, რომ არჩევნების დროს ელვირი გამადგება.

ჩცდ-ის ამ დროისთვის ბოლო, მე-18 სეზონი გასული წლის ივლისში დასრულდა. მას შემდეგ სერიალის ბედი გაურკვეველი იყო. თუმცა, რამდენიმე კვირის წინ ფორმულას გენერალურმა დირექტორმა ზუკა გუმბარიძემ სერიალის დაბრუნება დააანონსა, მალევე კი ჩცდ-ის პროდიუსერისა და შემოქმედებითი გუნდისგან ახალი სეზონის შესახებ მნიშვნელოვანი სიახლეებიც შევიტყვეთ.

ფორმულა კრეატივის შექმნილი ჩცდ მაყურებელმა პირველად 2011 წელს იხილა. ის თავდაპირველად რუსთავი 2-ზე გადიოდა, მოგვიანებით კი, 2019 წელს, სერიალის შემქმნელების დაფუძნებულ ახალ არხზე, ფორმულაზე, გადაინაცვლა.

რაც შეეხება სერიალის მე-19 სეზონს, მის ახალ სერიებს ყოველ პარასკევსა და შაბათს, საღამოს 10 საათზე ვიხილავთ.

ამავე თემაზე:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…