დეტალები: როგორც კლუბის ფეისბუქპოსტში ვკითხულობთ, 30 ივნისს გახსნითი ღონისძიება იყო დაგეგმილი, სადაც ნუცა ბუზალაძეს სოლო კონცერტი უნდა გაემართა.

  • ნათქვამია, რომ ბოლო დღეებში განვითარებული მოვლენებიდან გამომდინარე, გადაწყვეტილება ბუზალაძესთან ერთად მიიღეს.
  • ასევე, წერენ, რომ მომღერალი რუსეთის მიმართ თავის პოზიციას მკაფიოდ აფიქსირებს და ხაზგასმით აღნიშნავს, რომ რუსეთი ოკუპანტია.
  • "სწორედ ამიტომ, რუსეთიან მიღებულ საკონცერტო შეთავაზებებზე დიდი ხანია უარს ამბობს".
  • ამის შემდეგ კი კლუბი წერს, რომ ბუზალაძეს ამერიკული ტურნე აქვს დაგეგმილი და მომღერალს წარმატებას უსურვებენ.
  • მიუხედავად იმისა, რომ უახლოეს პერიოდში დაგეგმილი კონცერტი გაუქმდა, სფერო წერს, რომ ბუზალაძე მზადაა უახლოეს თვეებში ჩაატაროს სოლო კონცერტი.

რატომ არის მნიშვნელოვანი: 24 ივნისს ინტერნეტსივრცეში გავრცელდა ვიდეო, სადაც ჩანს, რომ რამდენიმე ქართველი მომღერალი, მათ შორის, ნუცა ბუზალაძე, დათო ხუჯაძე, მიშო სულუხია და სხვები მოსკოვის ერთ-ერთ რესტორანში ერთობიან.

  • მომღერლებმა ღონისძიებაზე სიმღერა სამშობლოც შეასრულეს.
  • ვიდეოებში ვხედავთ რუსეთში მოღვაწე მომღერალ სოსო პავლიაშვილს და მეგი გოგიტიძეს, რომელიც უკრაინის ომის ფონზეც აგრძელებდა რუსეთში სიმღერას.
  • წვეულებას ესწრებოდა პუტინისტური ძალადობრივი ჯგუფის, ალტ-ინფოს დამფუძნებელი, კონსტანტინე მორგოშიაც. დაბადების დღიდან ვიდეოებს სოციალურ ქსელში ეკატერინა სტეფანოვამ გაავრცელა.