სტარტი აიღო ევროპის 21-წლამდელთა ჩემპიონატმა, რომელსაც საქართველო და რუმინეთი მასპინძლობენ. რამაზ სვანაძის ნაკრები პირველ მატჩს პორტუგალიასთან ატარებს, რომელიც ტურნირის ერთ-ერთი ფავორიტია. შემდეგ შეხვედრას 24 ივნისს ბელგიასთან გავმართავთ, ხოლო 27-ში საქართველოს ახალგაზრდული ნაკრების მოწინააღმდეგე ნიდერლანდები იქნება, ეს შეხვედრებიც ჩვენი დროით 20:00 საათზე დაიწყება.

გულშემატკივრებს სტადიონიდან მხარდაჭერის გარდა, მატჩების პირდაპირი ტრანსლაციის ნახვა საქართველოს ნაკრების მთავარი სპონსორის, საქართველოს ბანკის ფილიალებში განთავსებულ სპეციალურ მონიტორებზეც შეეძლებათ.

შეგახსენებთ, რომ ჯგუფიდან ფლეი ოფში ორი უძლიერესი ნაკრები გადის. ტურნირის ფინალი კი 8 ივლისს ბათუმში გაიმართება.

საქართველოს ბანკი, როგორც ქართული სპორტისა და ქვეყნის პოპულარიზაციის ერთგული მხარდამჭერი, 2023 წლის ჩემპიონატის პარტნიორია და ღონისძიების წარმატებით ჩატარებას უზრუნველყოფს. ქართული ფეხბურთის მხარდაჭერა და ამ მასშტაბის ღონისძიების მასპინძლობა ჩვენი ქვეყნის ევროპისა და მსოფლიოს სპორტის რუკაზე კიდევ ერთხელ გამოჩენას უწყობს ხელს, ამიტომ საქართველოს ბანკი ჩემპიონატის ორგანიზების პროცესში აქტიურადაა ჩართული.