რა მოხდა: წუხელ მდინარე ნავთისხევის ადიდების შედეგად გურჯაანის ქუჩები და მუნიციპალიტეტის სოფლები დაიტბორა — მოვარდნილმა წყალმა აგრარული ბაზრის მიმდებარე ტერიტორიიდან წაიღო გარემოვაჭრეთა დახლები და პროდუქტი.

  • წყლის დიდმა ნაკადმა დატბორა საცხოვრებელი სახლები, მაღაზიები, აფთიაქები — გურჯაანის რამდენიმე სოფელში კი დაისეტყვა ვენახები.
  • წვიმამ, სეტყვამ და ქარიშხალმა დააზიანა ელექტროგადამცემი ხატები და ბუნებრივი აირის მილები — რის გამოც მოსახლეობას ენერგია და გაზი არ მიეწოდებოდა.
  • სავალ გზაზე ადიდებულმა წყლის ნაკადმა დააზიანა და გზიდან წაიყო ავტომობილები.
  • ადგილზე მობილიზებულები იყვნენ შესაბამისი სამსახურის თანამშრომლები — მიმდინარეობდა წყლის ამოტუმბვისა და გზის გაწმენდის სამუშაოები.
  • გურჯაანის მუნიციპალიტეტის მერიაში, სტიქიით დაზარალებული მოსახლეობისთვის, საგანგებო ცხელი ხაზი ამოქმედდა.
  • შემთხვევის შედეგად არავის დაშავებულა.

დეტალები: დილიდან სტიქიის შედეგების სალიკვიდაციო სამუშაოები გრძელდება — ქვა-ღორღისა და მოგლეჯილი ხეებისგან სავალ გზებს წმენდენ.

  • ასევე აღდგენილია ელექტროენერგიისა და ბუნებრივი აირის მიწოდება გურჯაანის ტერიტორიის ნაწილზე.
  • გურჯაანის მერიის განცხადებით, მუნიციპალიტეტში არსებული ვითარება და სტიქიით გამოწვეული შედეგების გადაჭრის გზებზე მსჯელობენ.
  • ამ დროისთვის ზარალი სრულად დათვლილი არაა.