რა გახსენდება, როცა ახალი სამსახურის ძიებაზე ფიქრობ? — ალბათ დასაქმების ვებსაიტებზე გრძელი, მოსაწყენი ვაკანსიების კითხვა, კიდევ უფრო მოსაწყენ გასაუბრებებზე სიარული და პასუხის მოლოდინში გასული უამრავი კვირა. თუმცა არსებობენ კომპანიები, რომლებიც ახალი შესაძლებლობების ძიებას სასიამოვნო მომენტად აქცევენ. ასეთია Evolution Georgia, რომელიც ამჯერად ციფრულ წარმოდგენაზე EVOlusion გეპატიჟებათ.

EVOlusion აუდიოვიზუალური გამოფენაა, რომელსაც ჰოლოზეუმი უმასპინძლებს. მუზეუმში Evolution-ის გაციფრულებული ოფისი დაგხვდებათ და შესაძლებლობა გექნებათ, ვირტუალურად დაათვალიეროთ კომპანია, გაესაუბროთ ტალანტების მოძიების გუნდს, მიიღოთ ინფორმაცია დასაქმების შესაძლებლობების შესახებ და გაერთოთ.

ციფრული გამოფენა 14 ივნისს გაიმართება და სტუმრებს ინტეგრირებულ გამოცდილებას ჰპირდება.

"ჩვენ გვინდა, რომ ადამიანებისთვის Evolution-თან ურთიერთობა განსაკუთრებულ გამოცდილებასთან და შეგრძნებებთან იყოს დაკავშირებული. ინოვაციურობა არის ის, რასაც ყოველდღიურობაში ვიყენებთ, პროდუქტის შექმნიდან — მომხმარებლამდე მის მიტანამდე. ეს ფორმატი კი საინტერესოდ და თან ძალიან ორგანულად მიგვაჩნია ისეთი კომპანიის აუდიტორიის გასაცნობად, სადაც სამუშაო ასაკი 23 წელია და ჩვენი თანამშრომლებიც უმეტესად ახალ თაობას წარმოადგენენ", — ამბობს დეა მოდებაძე, ტალანტების მოზიდვის გუნდის ლიდი.

EVOlusion არის გამოფენა, რომელიც Evolution-ის თანამშრომლებს, პარტნიორებს და საპატიო სტუმრებს კომპანიის ინოვაციური მიდგომებისა და წარმატების აღსანიშნავად აერთიანებს. ვირტუალური გამოცდილების საშუალებით შესაძლებელია ექსპოზიციების, ინტერაქტიური ჩვენებებისა და საინტერესო პრეზენტაციების დათვალიერება.

ამ ღონისძიებით გვინდა, სამსახურის დაწყების ახალი, ციფრული გამოცდილება შევქმნათ, რომელიც არის ინოვაციური, სწრაფი და მობილური,

დეა მოდებაძე, ტალანტების მოზიდვის გუნდის ლიდი.

როგორც კომპანიაში ამბობენ, EVOlusion უფრო მეტია, ვიდრე უბრალოდ Evolution-ის მიღწევების ჩვენება.

"ეს არის ღონისძიება, რომელიც შექმნილია კავშირების შესაქმნელად და ახალი შესაძლებლობების აღმოსაჩენად".

სწორედ ამიტომ, ეს ღონისძიება Evolution-ში არსებული ვაკანსიების შესახებ ინფორმაციის მისაღებად გამორჩეული გზა იქნება.

"Evolution 5 წლის გამავლობაში ცვლის სამსახურის დაწყების გამოცდილებას და ეს ღონისძიებაც კიდევ ერთი ნაბიჯია ამ გზაზე", — აღნიშნავს დეა მოდებაძე.

ასე რომ, თუ აუდიოვიზუალური ხერხებით მოყოლილი ამბები გაინტერესებს, ეძებ ახალ სამსახურს ან საინტერესო კავშირებს, EVOlusion არ უნდა გამოტოვო.

Evolution-ის აქტივობები, რა თქმა უნდა აქ არ სრულდება, მომდევნო კვირას, სტუდენტებს შეუძლიათ Evolution-ის ავტობუსით გადაადგილდნენ, მუსიკასთან და კარგ განწყობასთან ერთად, შეავსონ აპლიკაცია დასაქმების შესახებ და მონაწილეობა მიიღო საზაფხულო კამპანიაში.

გაიგე მეტი EVOlusion-ის შესახებ ამ ბმულიდან და დაესწარი ღონისძიებას 14 ივნისს 17:00 საათზე ჰოლოზეუმში.