5; 6; 13; 14; 22 — შეიძლება ეს რიცხვები არაფერს გეუბნებოდეთ, მაგრამ გულქანი თოთაძისთვის, განსაკუთრებით იღბლიანი კომბინაციაა, რომელმაც დიდი სიხარული მოუტანა. 70 წლის ფიზიკის მასწავლებელმა, რომელიც ამჟამად პენსიონერია, ლოტო 5/35 — ოქროს ბურთის 4-წლიან ისტორიაში რეკორდულად მაღალი თანხა — 506 729 ლარი მოიგო.

გულქანი თოთაძის თქმით, ლოტოში გამარჯვება გასაოცარი სიხარულის მომტანი იყო.

"მოგების შესახებ იმ ჯიხურში გავიგე, სადაც ბილეთი შევიძინე. საოცრად მძაფრი რეაქცია მქონდა — ვმღეროდი, ვცეკვავდი და ამ დროს, არც ერთი გამომდის, არც მეორე. შვილს დავურეკე, მაგრამ არ დამიჯერა, რადგან მცირე მოგებები აქამდეც მქონდა. ეს უდიდესი სიხარულია", — გვეუბნება გულქანი.

გულქანი თოთაძე ლოტო 5/35 — ოქროს ბურთს ყოველდღიურად თამაშობდა, რადგან როგორც გვეუბნება, ციფრები მისი ცხოვრების განუყოფელი ნაწილია და ლოტო ცხოვრების გახალისებაში ეხმარებოდა. მისი თქმით, აქამდე არაერთი კომბინაცია სცადა, ჯეკპოტის მოგება კი შემთხვევითობა იყო.

ფოტო: ლოტო

"თითქოს მიზანი დავისახე, რომ უნდა მომეგო, 2018 წლიდან ყოველდღიურად ვთამაშობდი, ერთი გათამაშებაც კი არ გამომიტოვებია. აქამდე ციფრების არჩევა ბევრი პრინციპით ვცადე — სატრანსპორტო მარშრუტის განრიგი, ცუდი თუ კარგი დღეები, საყვარელი და ნაკლებ საყვარელი ციფრები, ეს სიხარული კი სრულიად შემთხვევით მეწვია", — აღნიშნავს გულქანი.

გულქანი თოთაძე მოგებული თანხით სანუკვარი სურვილის ასრულებას აპირებს და დიდი ხნის მისწრაფების რეალობად ქცევას გეგმავს.

"სოფელი მიყვარს, ბუნება. კორპუსში ცხოვრების რესურსი ამოვწურე, ახლა სოფლის სახლს ვიყიდი და მიწასთან მუშაობის სურვილს ავიხდენ — ხეებს დავრგავ, მეურნეობას მივხედავ, ყვავილებს გავახარებ, საკუთარი ბაღი მექნება", — გვიზიარებს სამომავლო გეგმებს იღბლიანი გამარჯვებული.

საქართველოს ეროვნული ლატარიის პიარის ხელმძღვანელი, ნინო პოტრჟებსკაია აღნიშნავს, რომ კომპანია ადამიანებისთვის ბედნიერების მინიჭებას ისახავს მიზნად და ჯეკპოტის გათამაშება მათთვის განსაკუთრებით სასიხარულოა.

"ჩვენ ვართ კომპანია, რომელიც ადამიანებს ანიჭებს ბედნიერებას. მას შემდეგ, რაც ბაზარზე დავიწყეთ ოპერირება, საქართველოს ლატარიამ მოგების სახით უკვე 90 მილიონ ლარამდე გასცა. მათემატიკა ზუსტი მეცნიერებაა და ეს რიცხვი სწორედ გაცემულ ბედნიერებას ასახავს, დღეს კი განსაკუთრებით ბედნიერი დღე გვაქვს, რადგან 5/35-ოქროს ბურთში რეკორდული თანხა გავათამაშეთ", — ამბობს ნინო.

გულქანი თოთაძისთვის ლოტო 5-35 — ოქროს ბურთი ის თამაშია, რომელიც ბედნიერებას ანიჭებს, ამიტომ ბილეთის შეძენას სამომავლოდაც გეგმავს და სხვებსაც იმავეს ურჩევს: "გაიღიმეთ, იხალისეთ, ითამაშეთ და მოიგეთ".