როგორც აღმოჩნდა, ტელევიზია და სერიალები არც უინძორების სამეფო ოჯახისთვის ყოფილა უცხო. პირიქით, როგორც BBC-ის რადიოს ეთერში პრინცმა უილიამმა და მისმა ცოლმა ქეით მიდლტონმა თქვეს, ისინი სერიალების დიდი მოყვარულები არიან.

"საღამოობით სახლში, კომფორტულად ჩაცმულები და უამრავი სასუსნავით მომარაგებულები ვუყურებთ საყვარელ სერიალებს. ძალიან გვიყვარს ნეტფლიქსი და HBO, ვუყურებთ House Of Cards, თუმცა ჩვენი საყვარელი სერიალი სამეფო კარის თამაშებია.", ამბობს ქეითი.

როგორც აღმოჩნდა წყვილი არც საჭმლის გამოძახებას ერიდება და ხშირად იძახებს პიცას.

"ძალიან სასაცილო ამბებიც ხდება, მაგალითად ვრეკავთ და ვიძახებთ პიცას ან ჩინურ საჭმელს, თუმცა როგორც კი მისამართად ბუკინგემის სასახლეს ვუთითებთ, ეგრევე თიშავენ ტელეფონს, ყველას ხუმრობა ჰგონია. ამიტომ ჩვენი დაცვის ბიჭებს უწევთ გამოძახების ადგილზე მისვლა და იქიდან საკვების წამოღება", ამბობს უილიამი.

როგორც ცნობილია, ამავე სერიალის დიდი თაყვანისმცემელია თავად დედოფალი ელიზაბეტიც, რომელიც 2015 წელს გამოფენასაც ეწვია, სადაც ერთ-ერთი ექსპონატი რკინის ტახტი იყო.

შეგახსენებთ, რომ სამეფო კარის თამაშების მეშვიდე სეზონი 16 ივლისს დაიწყება.