დეველოპერული კომპანია მეტროპოლი, სულ ახლახან გამოჩნდა ქართულ ბაზარზე, თუმცა თავისი კომუნიკაციითა და სარეკლამო კამპანიით უკვე მოექცა ყურადღების ცენტრში. ბავშვთა დაცვის საერთაშორისო დღისთვის, მეტროპოლში გადაწყვიტეს, რომ ბავშვები გამოეკითხათ — რა საჩუქარს ისურვებდნენ და 1-ლი ივნისისთვის სიურპრიზი ასე შეარჩიეს.

ვიდეოს მთავარმა გმირებმა ერთხმად ხვიჩა კვარაცხელიასთან შეხვედრა ისურვეს, ამიტომ მეტროპოლში ბევრი აღარ უფიქრიათ და სიურპრიზისთვის მზადება დაიწყეს.

"ნაპოლისთან ჩვენი თანამშრომლობის ფარგლებში შეგვეძლო, პატარა შეხვედრა დაგვეორგანიზებინა ხვიჩასთან და ასეც მოვიქეცით. შემოქმედებით ჯგუფთან ერთად კონცეფცია შევკარით, ნაპოლისთან შეხვედრა შევათანხმეთ, გადამღები ჯგუფი შევკრიბეთ და დავიწყეთ შეხვედრამდე დღეების ათვლა. ბავშვებს, რა თქმა უნდა, არ გავუმხილეთ, ვისთან შეხვედრაზე მიგვყავდა და, როგორც მოველოდით, მათი პირველი ემოციები იმდენად გულწრფელი და გულისამაჩუყებელი იყო, კვარამაც კი იგრძნო კამერის მიღმა", — აღნიშნავს ეთო მერებაშვილი, მეტროპოლის CMO და ამბობს, რომ კვარამ მომავალ ფეხბურთელებს ბევრი საჭირო რჩევაც მისცა — ესაუბრა შრომისმოყვარეობისა და მიზანდასახულობის მნიშვნელობაზე, სწავლის აუცილებლობაზე.

ეთო მერებაშვილის თქმით, მეტროპოლის მისია ადამიანებზე და მათი ცხოვრების ხარისხის გაუმჯობესებაზე ზრუნვაა და მოხარულები არიან, რომ ბავშვებს დასამახსოვრებელი ცხოვრებისეული გამოცდილება აჩუქეს.

მეტროპოლის კრეატიული დირექტორი, ლაშა დ კოტორი კი აღნიშნავს, რომ ფეხბურთი და ხვიჩა კვარაცხელია განსაკუთრებით უყვარს, ამიტომ კამპანიაში სიამოვნებით ჩაერთო.

"კარგ ხალხთან მუშაობა და, უფრო მეტად, ბავშვების გახარება ძალიან საინტერესოდ ჟღერდა. გვქონდა 20 წუთი, გვყავდა კვარა და ვიცოდით რომ 1-ლი ივნისი მოდიოდა. ამ სამ რამეს წესით რომ გააერთიანებთ, ეს ვიდეო უნდა გამოვიდეს. როგორც ვიდეოს დასაწყისში გაისმის, ბავშვებს ოცნება ავუხდინეთ, მწვრთნელმა ვითომ ტრავმა მიიღო, ხოლო შეცვლაზე კვარაააა შემოვიყვანეთ. უფრო სწორად, კვარადონა… კიარადა კვარა მასწი!!! დანარჩენზე კი ბავშვებს მივენდეთ: ემოციები, კითხვები და თუნდაც უხერხული პაუზები თუ ბავშვების სიჩუმე, რომელბიც კვარას ხილვისგან შოკში იყვნენ — დეტალები, რომლებიც კადრში არ მოხვდა, ყველაფერი იყო და ყველაფერი ნამდვილია", — ამბობს ლაშა დ კოტორი.