ქვიზი: აირჩიე რიცხვი და ისეთ გასაოცარ ფაქტს გეტყვით, რომელიც არ გეცოდინება

თუ სამყაროს შესახებ საინტერესო ფაქტები გაინტერესებს, სწორ ადგილას მოსულხარ! შენ მხოლოდ რიცხვი აარჩიე და დანარჩენი ჩვენზეა.

აირჩიე რიცხვი

ქვიზი: აირჩიე რიცხვი და ისეთ გასაოცარ ფაქტს გეტყვით, რომელიც არ გეცოდინება

1893 წელს ახალი ზელანდია გახდა პირველი ქვეყანა, რომელმაც ქალებს ეროვნულ არჩევნებში ხმის მიცემის უფლება მიანიჭა

ახალი ზელანდიაში ყველა ქალს ეროვნულ არჩევნებში ხმის მიცემის უფლება უფრო ადრე მიანიჭა, ვიდრე აშშ-სა და ევროპაში. აშშ-ში 1920 წელს მე-19 შესწორება მიიღეს, რომლის მიხედვითაც, ქალებს საარჩევნო უფლებები მიენიჭა, მანამდე კი ხმის მიცემის უფლება ქალებს 19 ქვეყანაში უკვე ჰქონდათ. რაც შეეხება ევროპის ქვეყნების ძირითად ნაწილს, ქალებმა არჩევნებში ხმის მიცემის უფლება 1960 წლამდე მოიპოვეს.

თუ გაინტერესებს, როგორც იცნობ ქალებს, რომლებმაც მსოფლიო შეცვალეს, ეს ქვიზი გააკეთე.

ვენერაზე ერთი დღე უფრო გრძელია, ვიდრე დედამიწაზე ერთი წელი

ვენერა საკუთარი ღერძის გარშემო წარმოუდგენლად ნელა ბრუნავს. მას ერთი სრული ბრუნის შესასრულებლად დედამიწის 243 დღე სჭირდება. საინტერესოა ისიც, რომ პლანეტა მზის გარშემო ერთ ბრუნს უფრო მალე ასრულებს, ვიდრე საკუთარი თავის გარშემო — ამისათვის მას 226 დღე სჭირდება.

უფრო მეტიც, ვენერაზე მზის ამოსვლებს შორის, დედამიწაზე 117 დღე გადის, რაც ნიშნავს, რომ "წელიწადში", ვენერაზე მზე მხოლოდ 2-ჯერ ამოდის. თეორიულად, ეს მოვლენა ვენერაზე ერთსა და იმავე დღეს ხდება. გარდა ამისა, რადგან ვენერა საათის საწინააღმდეგოდ ბრუნავს, მზე მის დასავლეთით ამოდის და აღმოსავლეთით ჩადის.

თუ გაინტერესებს, რამდენად კარგად იცნობ მზის სისტემას, ეს ქვიზი შეგიძლია გააკეთო.

ევერესტის მწვერვალი ერთ დროს ოკეანის ფსკერის ნაწილი

ევერესტის მწვერვალი კირქვისგან შედგება, რაც ნიშნავს, რომ ის ერთ დროს ოკეანის ფსკერის ნაწილი იყო. მეცნიერების აზრით, დაახლოებით 470 მილიონი წლის წინ, დედამიწის უმაღლეს წერტილს წყალი ფარავდა.

თუ ზოგადი ცოდნის შემოწმება გსურს, მაშინ ეს ქვიზი შეგიძლია გააკეთო.

აგათა კრისტის დედა წინააღმდეგი იყო, რომ მის შვილს კითხვა ესწავლა

აგათამ კითხვა დამოუკიდებლად ისწავლა 8 წლის ასაკში, რადგან მომავალი მწერლის დედა წინააღმდეგი იყო, რომ თავის შვილს კითხვა ესწავლა. მას სურდა, რომ კრისტის განათლება სახლში მიეღო, ფორმალური განათლების მიღების უფლება კი შვილს 15 წლის ასაკამდე არ დართო.

თუ გაინტერესებს, კლასიკურ ნაწარმოებს მხოლოდ დასაწყისით რამდენად კარგად გამოიცნობ, ეს ქვიზი შეგიძლია გააკეთო.

Fast & Furious 7-ის გადაღებისას პოლ უოკერი გარდაიცვალა, ფილმის დასასრულებლად კი შემქმნელებმა მსახიობის ძმასთან ერთად CGI გამოიყენეს

ავტოავარიაში პოლ უოკერის მოულოდნელმა გარდაცვალებამ The Fast and the Furious ერთ-ერთი მთავარი როლის შემსრულებლის გარეშე დატოვა. ტრაგედიის გამო გუნდმა ფილმზე მუშაობა ცოტა ხნით შეაჩერა. როდესაც დღის წესრიგში მისი დასრულება დადგა, პოლის სცენების შესაქმნელად CGI გამოიყენეს, ზოგიერთ სცენაში კი პოლის ძმა გადაიღეს. CGI კომპიუტერის მიერ გენერირებული გამოსახულებაა, რომელსაც დღეს ფილმებისა და ვიდეოთამაშების შექმნის პროცესში აქტიურად იყენებენ. საბოლოოდ, ფილმი 1 წლის დაგვიანებით გამოვიდა, თუმცა სერიის ყველაზე წარმატებული და მაღალშემოსავლიანი ნაწილი აღმოჩნდა

თუ გაინტერესებს, ცნობილი ფილმების ერთი კადრით გამოცნობა როგორ გამოგივა, ეს ქვიზი შეგიძლია გააკეთო.

ძველი წელთაღრიცხვით 46 წელი ყველაზე ხანგრძლივი წელიწადი იყო, რომელიც 445 დღეს გაგრძელდა

ძვ.წ 46 ყველაზე ხანგრძლივი წელიწადი იყო, რომელიც 445 დღეს გაგრძელდა. წელიწადმა იულიუს კეისრის ბრძანებით, დამატებით ორი თვე მოიცვა. რომის იმპერატორის ბრძანება მიზნად იულიუსის კალენდრის წელიწადის სეზონთან გასწორებას ისახავდა. რომაულ კალენდარში 10 თვე იყო, ამიტომ მათ კალენდარში პერიოდულად თვის დამატება უწევდათ, რათა კალენდარული წელი მზის გარშემო დედამიწის ბრუნვასთან სინქრონიზებული ყოფილიყო. იულიუსმა ახალი კალენდარი სწორედ ამ მიზნით შემოიღო, რათა წელიწადის ოთხივე სეზონისთვის ერთი კალენდარული წელი საკმარისი ყოფილიყო.

თუ გაინტერესებს, როგორ გახსოვს მნიშვნელოვანი ისტორიული თარიღები, ეს ქვიზი შეგიძლია გააკეთო.