რატომ არის მნიშვნელოვანი: ხოშტარია თელავის პოლიციასთან მაშინ დააკავეს, როდესაც უკვე დაჭერილ აქტივისტებთან ადვოკატების შეშვებას ითხოვდა.

  • ასევე, დაკავებულია დროას პოლიტიკური საბჭოს წევრი შუშანა მაცაბერიძე.
  • ყვარელში, სასტუმრო ყავრლის ტბასთან საპროტესტო აქცია დილიდან იმართებოდა,, იქ ლავროვის სიძის, ალექსანდრ ვინოკუროვის ძმა, მიკა ვინო, იგივე მოშე ვინოკუროვი ქორწილი უნდა გადაეხადა.
  • ადგილზე მობილიზებულები იყვნენ შინაგან საქმეთა სამინისტროს წარმომადგენლების დიდი რაოდენობა, მათ შორის, ნიღბიანი სამართალდამცავები.

დეტალები: დროას ინფორმაციით, ხოშტარია ავჭალაში, ხოლო სხვა დაკავებულები კახეთის იზოლატორში არიან გადაყვანილები.

  • პარტიის ცნობით, ინფორმაციას დაკავებულების ადგილსამყოფელის შესახებ სახალხო დამცველის წარმომადგენლებს არ აძლევენ.
  • გარდა ამისა, არასამთავრობო ორგაზაციები საუბრობენ იმაზე, რომ ადვოკატებს აქტივისტების მონახულების საშუალება არ ეძლევათ და მათთვის უცნობია, რა მდგომარეობაში არიან ისინი.