რატომ არის მნიშვნელოვანი: ყვარელში, სასტუმრო ყავრლის ტბასთან საპროტესტო აქცია დილიდან იმართებოდა, სადაც ლავროვის სიძის, ალექსანდრ ვინოკუროვის ძმა, მიკა ვინო, იგივე მოშე ვინოკუროვი ქორწილი უნდა გადაეხადა.

  • ადგილზე მობილიზებულები იყვნენ შინაგან საქმეთა სამინისტროს წარმომადგენლების დიდი რაოდენობა, მათ შორის, ნიღბიანი სამართალდამცავები.
  • მათ ძალის გამოყენებით დააკავეს აქციის მონაწილეებს და ტერიტორიიდან გაიყვანეს.
  • დაკავებულია 20-მდე აქტივისტი, მათ შორის, დროას ლიდერი, ელენე ხოშტარია.

დეტალები: ორგანიზაცია საუბარობს იმაზე, რომ ადგილიდან გავრცელებულ კადრებში ადმინისტრაციული წესით დაკავებული პირების მიმართ ღირსების შემლახავ მოპყრობ ჩანს.

  • მათი ინფორმაციით, ისინი თელავის პოლიციის შენობასთან არიან გადაყვანილები.
  • NGO-ების განმარტებით, აქტივისტთა ადვოკატებიც პოლიციის შენობასთან იმყოფებიან, თუმცა მათ უკანონოდ ეშლებათ ხელი საქმიანობაში.
  • "პოლიცია ადვოკატებს არ აძლევს შესაძლებლობას, მოინახულონ დაკავებულები, ასევე, იმ დროს, როცა საერთაშორისო გამჭვირვალობა — საქართველოს იურისტი ოეი საათი ელოდებოდა დაკავებულთან შეხვედრას, კახეთის პოლიციის დეპარტამენტის დირექტორის მოადგილემ, გიორგი კლიმიაშვილმა იძულებით დაატოვებინა პოლიციის შენობა".
  • ორგანიზაციები ამბობენ, რომ ამ დროისთვის ადვოკატებისთვის უცნობია, რა მდგომარეობაში არიან დაკავებული პირები, რადგან მათი უფლებები განრძობითად ირღვევა.

მიმართავენ შსს, დაუყოვნებლივ მისცენ ადვოკატებს დაკავებულებთან შეხვედრის შესაძლებლობა, წინააღმდეგ შემთხვევაში, ეს მათი უფლებების შეზღუდვად იქნება აღქმული.

  • ასევე, საქართველოს ადვოკატთა ასოციაციას, გამოეხმაუროს ადვოკატების საქმიანობის ხელშეშლის ფაქტებს.
  • ხელმომწერი ორგანიზაციები არიან, საია, ქალთა ინიციატივების მხარდამჭერი ჯგუფი, საქართველოს დემოკრატიული ინიციატივა, უფლებები საქართველო, ადამიანის უფლებათა ცენტრი.
  • მათი სრული სია შეგიძლიათ იხილოთ აქ.